കോവിഡ് 19 ലോകത്തെ ഒട്ടുമിക്ക രാജ്യങ്ങളിലും കനത്ത ആഘാതമാണ് സൃഷ്ടിച്ചിരിക്കുന്നത്. ഈ സാഹചര്യത്തിൽ തൊഴിൽ നഷ്ടപ്പെടുന്ന നിരവധി ആളുകളും ഉണ്ട്. പ്രത്യേകിച്ച് പ്രവാസികളുടെ അവസ്ഥ വളരെ ദയനീയം ആണ്.കോവിഡ് പ്രതിസന്ധിയെ തുടർന്ന് സൗദിയിൽ ജോലി നഷ്ടപ്പെടുന്നവരുടെ എണ്ണമേറുന്നു. 2.84 ലക്ഷം വിദേശികൾ ഉൾപ്പെടെ 4 ലക്ഷം പേർക്കാണ് 3 മാസത്തിനിടെ ജോലി നഷ്ടപ്പെട്ടത്. ഇവരിൽ 1.16 ലക്ഷം പേർ സ്വദേശികളാണെന്ന് ജനറൽ അതോറിറ്റി ഫോർ സ്റ്റാറ്റിസ്റ്റിക്സ് സൂചിപ്പിക്കുന്നു.ഈ വർഷം രണ്ടാം പാദത്തിലെ മാത്രം കണക്കാണിത്. ശമ്പളം വെട്ടിക്കുറച്ചത് ഉൾപ്പെടെ വിവിധ കാരണത്താൽ 60,000 വിദേശികളും 53,000 സ്വദേശികളും ജോലി രാജിവച്ചു. കമ്പനികൾ തൊഴിൽ കരാർ പുതുക്കാതെ ജോലി നഷ്ടപ്പെട്ടവരും നിരവധി. പ്രധാനമായും നിർമാണ മേഖലയിലെ തൊഴിലാളികൾക്കാണ് കൂടുതലും ജോലി നഷ്ടമായത്. ചെറുകിട, ഇടത്തരം സംരംഭങ്ങളിലെ ജീവനക്കാർക്കും ജോലി പോയി.സ്വദേശിവൽക്കരണം മൂലം ജോലി നഷ്ടപ്പെട്ടവർക്കു പുറമേയാണ് പുതിയ കണക്ക്.

സ്വദേശികൾക്കിടയിലെ തൊഴിലില്ലായ്മ നിരക്ക് 15.4% ആയി വർധിച്ചതും ഈ കാലയളവിലാണ്. ഒന്നാം പാദത്തിൽ 11.8% ആയിരുന്നു തൊഴിലില്ലായ്മ നിരക്ക്. സൗദിയിലെ 1,36,30,454 ജോലിക്കാരിൽ 23.3 % സ്വദേശികളും 76.7% വിദേശികളുമാണ്. സൗദിയിൽ കോവിഡ് കുറഞ്ഞ്, സാധാരണ ജീവിതം പുനരാരംഭിച്ചതിനാൽ സമ്പദ്‌വ്യവസ്ഥ കൂടുതൽ മെച്ചപ്പെടുമെന്ന പ്രതീക്ഷയിലാണ് ജനം.സൗദിയില്‍ പ്രതിദിന കോവിഡ് രോഗികളുടെ എണ്ണം 500ന് താഴെയെത്തി. അതോടൊപ്പംതന്നെ മരണസംഖ്യയിലും ക്രമാതീതമായ കുറവാണ് ഇന്ന് രേഖപ്പെടുത്തിയിട്ടുള്ളത്. പ്രതിദിന കോവിഡ് രോഗികളുടെ എണ്ണം തുടര്‍ച്ചയായി 500 ന് താഴെ എത്തി എന്ന ആശ്വാസത്തിലാണ് സൗദി അറേബ്യ. സൗദിയില്‍ ഇന്ന് റിപ്പോര്‍ട്ട് ചെയ്തത് 492 കോവിഡ് കേസുകള്‍ മാത്രമാണ്. 26 പേര്‍ കൊവിഡ് ബാധിച്ച് മരിച്ചതായും ഇന്ന് റിപ്പോര്‍ട്ട് ചെയ്തു. ഇതിനകം കൊവിഡ് ബാധിച്ച് ആകെ സ്ഥിരിച്ചത് 4794 പേരാണ്.

ഇന്ന് 592 പേര്‍ കോവിഡില്‍നിന്നും മുക്തി നേടിയത് രോഗമുക്തി നേടിയവരുടെ എണ്ണം 3,19,746 ആയി.സൗദിയില്‍ ഇതുവരെ 3,35,097 പേരിലാണ് രോഗം സ്ഥിരീകരിച്ചത്. ഇവരില്‍ 10,557 പേരാണ് നിലവില്‍ ചികിത്സയിലുള്ളത്. ഇതില്‍ 993 പേര്‍ അത്യാസന്ന നിലയിലുമാണ്. ഇന്ന് ഏറ്റവും കൂടുതല്‍ രോഗം സ്ഥിരീകരിച്ചത് മദീനയില്‍ 55 പേരിലാണ്. യാമ്പുവില്‍ 52 , ജിദ്ദ, മക്ക എന്നിവിടങ്ങളില്‍ 39, ദഹ്റാന്‍ 27, ഹൂഫൂഫ്, റിയാദ് എന്നിവിടങ്ങളില്‍ 26, ഖമീസ് മുഷൈത്ത് 17, അല്‍മുബാറസ് 15, ഹായില്‍ 13, ബല്‍ജുര്‍ഷി 12, ദമ്മാം, അറാര്‍ 11 വീതം, നജ്റാന്‍ 8 പേരിലും ഇന്ന് കൊവിഡ് രോഗം റിപ്പോര്‍ട്ട് ചെയ്തതായി സൗദി ആരോഗ്യ മന്ത്രാലയം അറിയിച്ചു.