ബുര്‍ജ് ഖലീഫയുടെ നിര്‍മാണസ്ഥാപനമായ അറബ്ടെക് ഹോള്‍ഡിങ് പി ജെ സി പ്രവര്‍ത്തനം അവസാനിപ്പിക്കുന്നതായി റിപ്പോർട്ട്. യു എ ഇ ആസ്ഥാനമായുള്ള കമ്ബനി കടക്കെണിയിലതിനെ തുടര്‍ന്ന് ഓഹരി ഉടമകള്‍ വോട്ടിങ്ങിലൂടെ തീരുമാനം എടുക്കുകയായിരുന്നുവെന്നാണ് ലഭ്യമാകുന്ന വിവരം. എന്നാൽ നിരവധി മാര്‍ഗങ്ങള്‍ പരിഗണിച്ചതിന് ശേഷമാണ് കമ്ബനിയുടെ പ്രവര്‍ത്തനം അവസാനിപ്പിക്കാന്‍ തീരുമാനിച്ചതെന്ന് കമ്ബനി വക്താവ് വ്യക്തമാക്കുകയുണ്ടായി. പദ്ധതി കാലതാമസവും ലാഭവിഹിതത്തിലെ കുറവും മൂലം നിര്‍മാണ കമ്ബനികള്‍ കുറച്ചു വര്‍ഷങ്ങളായി പ്രയാസത്തിലായിരുന്നു. ഇതിന്റെ അടിസ്ഥാനത്തിലാണ് പ്രവര്‍ത്തനം അവസാനിപ്പിക്കാൻ തീരുമാനിച്ചത്.

അതേസമയം സാമ്ബത്തിക സാഹചര്യം കണക്കിലെടുത്ത് കമ്ബനി പിരിച്ചുവിടാനും ഗ്രൂപ്പുമായി ബന്ധം അവസാനിപ്പിക്കുന്നതിനുമായി അറബ്ടെക് ഹോള്‍ഡിംഗിന്റെ ഓഹരി ഉടമകള്‍ വോട്ട് ചെയ്തുവെന്നും കമ്ബനി വക്താവ് വ്യക്തമാക്കിയിരുന്നു. അറബ്ടെക്കിന്റെ നീക്കം യുഎഇയിലെ നിരവധി വിതരണക്കാരെയും സബ് കരാറുകാരെയും ദേഷകരമായി ബാധിക്കുമെന്നാണ് വിലയിരുത്തപ്പെടുന്നത്. എന്നാൽ പദ്ധതി കാലതാമസവും ലാഭവിഹിതത്തിലെ കുറവും മൂലം നിര്‍മാണ കമ്ബനികള്‍ കുറച്ചു വര്‍ഷങ്ങളായി പ്രയാസത്തിലായിരുന്നു.