പ്രവാസികളുടെ മനസ്സ് നിറയിച്ച് ഖത്തർ ഐർവേസ്‌. കൊറോണ വ്യാപനത്തിന്റെ പശ്ചാത്തലത്തിലും പ്രവാസികൾക്ക് കൈത്താങ്ങായി മുന്നോട്ട് തന്നെ. ഇപ്പോഴിതാ ലോക അധ്യാപക ദിനത്തോട് അനുബന്ധിച്ച് അധ്യാപകര്‍ക്ക് 21,000 സൗജന്യ യാത്രാ ടിക്കറ്റുകള്‍ പ്രഖ്യാപിച്ച് ഖത്തര്‍ എയര്‍വേയ്‌സ് രംഗത്ത് എത്തുകയുണ്ടായി. ഏറെ നിര്ണായകവും മാതൃകാപരവുമായ നീക്കമാണ് ഇതിലൂടെ ഖത്തർ ഐർവേസ്‌ മുന്നോട്ട് വയ്ക്കുന്നത്.

കോവിഡ്-19 സാഹചര്യത്തിലും യുവജനങ്ങള്‍ക്ക് അറിവ് പകരുന്നതില്‍ നിസ്തുല സേവനം കാഴ്ചവെച്ച അധ്യാപകരോടുള്ള ആദര സൂചകമായാണിത് എന്നാണ് വ്യക്തമാക്കിയിരിക്കുന്നത്. ഇതേതുടർന്ന് 75 രാജ്യങ്ങളിലെ അധ്യാപകര്‍ക്ക് ഒരു ഇക്കോണമി റിട്ടേണ്‍ ടിക്കറ്റാണ് ഇതിലൂടെ ലഭിക്കുന്നത്. എന്നാൽ ടിക്കറ്റ് ബുക്കിങ്ങിനുള്ള റജിസ്‌ട്രേഷനായി നിശ്ചിത സമയവും പ്രഖ്യാപിച്ചിട്ടുണ്ട്. ഒക്‌ടോബര്‍ 5 ന് പ്രാദേശിക സമയം പുലര്‍ച്ചെ 4.00 മുതല്‍ ഒക്‌ടോബര്‍ 8 ന് പുലര്‍ച്ചെ 3.59 വരെയാണ് ബുക്കിങ് സമയം നൽകിയിട്ടുള്ളത്.

അതേസമയം ഖത്തര്‍ എയര്‍വേയ്‌സിന്റെ https://www.qatarairways.com/en-qa/offers/thank-you-teachers.html എന്ന ലിങ്കില്‍ പ്രവേശിച്ച് വിജയകരമായി റജിസ്റ്റര്‍ ചെയ്യുന്നവര്‍ക്ക് പ്രമോഷന്‍ കോഡ് ലഭിയ്ക്കുന്നതായിരിക്കും. ഒപ്പം ലിങ്കില്‍ വ്യവസ്ഥകളും നിബന്ധനകളും വ്യക്തമാക്കിയിട്ടുണ്ട്. പ്രമോഷന്‍ കോഡ് ഉപയോഗിച്ച് ബുക്ക് ചെയ്യുന്ന ടിക്കറ്റുകള്‍ക്ക് 2021 സെപ്റ്റംബര്‍ 30 വരെയാണ് യാത്രാ കാലാവധി നൽകിയിട്ടുള്ളത്. ആദ്യം റജിസ്റ്റര്‍ ചെയ്യുന്നവര്‍ക്കാണ് മുന്‍ഗണന. നേരത്തെ ഒരു ലക്ഷം മുന്‍നിര ആരോഗ്യ പ്രവര്‍ത്തകര്‍ക്കും ഇത്തരത്തിൽ സൗജന്യ ടിക്കറ്റ് നല്‍കിയിരുന്നു.

ഓരോ രാജ്യത്തിനും ദിവസേന നിശ്ചിത എണ്ണം ടിക്കറ്റുകളാണ് അനുവദിക്കുന്നത്. 3 ദിവസവും പുലര്‍ച്ചെ ദോഹ സമയം 4.00ന് രാജ്യങ്ങള്‍ക്ക് അനുവദിച്ചിരിക്കുന്ന ടിക്കറ്റുകളുടെ എണ്ണം പ്രസിദ്ധപ്പെടുത്തുന്നതാണ്. തുടർന്ന് ഖത്തര്‍ എയര്‍വേയ്‌സിന്റെ സര്‍വീസുള്ള ഏത് നഗരങ്ങളിലേയ്ക്കും ടിക്കറ്റ് എടുക്കാൻ സാധിക്കുന്നതാണ്. ഒരു ഇക്കോണമി റിട്ടേണ്‍ ടിക്കറ്റ് കൂടാതെ ഭാവിയില്‍ ഒരു റിട്ടേണ്‍ ടിക്കറ്റിന് 50 ശതമാനം ഓഫര്‍ മൂല്യമുള്ള വൗച്ചറും ഇതോടൊപ്പം ലഭിയ്ക്കുന്നതായിരിക്കും. അപേക്ഷകന് സ്വന്തമായോ അല്ലെങ്കില്‍ കുടുംബാംഗത്തിനോ സുഹൃത്തിനോ ഈ വൗച്ചര്‍ ഉപയോഗിയ്ക്കാൻ സാധിക്കും. രണ്ട് ടിക്കറ്റുകളിലും യാത്ര 2021 സെപ്റ്റംബര്‍ 30 ന് മുമ്പായിരിക്കണം എന്നതാണ് നിബന്ധന.