കുവൈത്തില്‍ മലയാളി നഴ്സ് ആത്മഹത്യക്ക് ശ്രമിച്ചു. ജീവൻ രക്ഷിക്കാൻ കഠിന ശ്രമം നടത്തിയെങ്കിലും രക്ഷിക്കാൻ കഴിഞ്ഞില്ല... കുവൈത്തിനെ ഞെട്ടിച്ച് മലയാളി നഴസിന്റെ ആത്മഹത്യ... ആത്മഹത്യ ശ്രമത്തെ തുടർന്ന് ചികിൽസയിലായിരുന്ന കോട്ടയം സ്വദേശിനിയായ മലയാളി നഴ്സാണ് മരിച്ചത്.

കുവൈത്ത് മുബാറക് അൽ കബീർ ഹോസ്പിറ്റലിലെ സ്റ്റാഫ് നഴ്സും, കോട്ടയം നെടുംകണ്ടം സ്വദേശിനിയുമായ ഡിംപിൾ യൂജിൻ (37) ആണ് അദാൻ ആശുപത്രിയിൽ ചികിത്സയിൽ കഴിയവേ മരിച്ചത്.

മംഗഫിൽ ഇവർ താമസിക്കുന്ന ഫ്ളാറ്റിന്റെ ശുചിമുറിയിൽ വെച്ച് ആത്മഹത്യക്ക് ശ്രമിച്ച യുവതിയെ ഉടൻ തന്നെ അദാൻ ആശുപത്രിയിൽ എത്തിച്ചിരുന്നു. രണ്ടു ദിവസമായി ചികിത്സയിൽ കഴിയുന്നതിനിടെയാണ് യുവതി മരിച്ചത്.. അതിദാരുണമായ സംഭവമാണ് നടന്നത്. ആത്മഹത്യയ്ക്ക് പിന്നിലുള്ള കാരണം ഇപ്പോഴും വ്യക്തമല്ല..