കൊറോണ വ്യാപനത്തിന് പിന്നാലെ പ്രവാസികൾക്ക് ദുരിതം മാത്രമായിരുന്നു ബാക്കി. എന്നാൽ തികച്ചും അതിജീവനത്തിന്റെ പാതയിൽ നിൽക്കുന്ന പ്രവാസലോകം കൊടുത്താൽ ഇളവുകൾ നൽകി വിസകൾ അനുവദിച്ചുകൊണ്ട് പ്രവാസികളെ തിരികെ വിളിക്കുകയാണ്. മറ്റുള്ള ഗൾഫ് രാഷ്ട്രങ്ങൾ സ്വദേശവത്കരണത്തിലൂടെ പ്രവാസികളെ തിരികെ അയയ്ക്കുമ്പോൾ തൊഴിൽ വിസയ്ക്ക് അംഗീകാരം നൽകിക്കൊണ്ട് സർവീസുകൾ കൂടുതൽ അനുവദിക്കുകയാണ്.

കൊറോണ വ്യാപനം ഇന്ത്യയിൽ ഉയരുന്ന സാഹചര്യത്തിൽ സൗദി കുവൈറ്റ് ഉൾപ്പടെയുള്ളവർ തട വിധിച്ചപ്പോഴും വഴിയൊരുക്കാൻ യുഎഇ മറന്നില്ല. അവസാനിക്കുന്നില്ല, പ്രവാസികൾക്കായി ഒരു സന്തോഷ വാർത്തകൂടി. യുഎഇയില്‍ ജോലി ചെയ്യാത്തവര്‍ക്കും ഇനി ദുബൈയില്‍ താമസിക്കാം. കൊവിഡ് സാഹചര്യത്തില്‍ ഓഫീസുകളില്‍ പോകാതെ ദീര്‍ഘകാലം താമസ സ്ഥലങ്ങളിലിരുന്ന് ജോലി ചെയ്യുന്നവരെ ലക്ഷ്യമിട്ട് പുതിയ പദ്ധതി പ്രഖ്യാപിച്ചിരിക്കകയാണ് ദുബൈ ടൂറിസം ആന്റ് കൊമേഴ്‍സ് മാര്‍ക്കറ്റിങ് വകുപ്പ്. ഇത്തരം പ്രൊഫഷണലുകള്‍ക്ക് ദുബൈയില്‍ താമസിച്ച് മറ്റ് രാജ്യങ്ങളിലെ തങ്ങളുടെ ജോലി ചെയ്യാനുള്ള അവസരമാണ് ഒരുക്കുന്നത്.

ഇതേതുടർന്ന് വിദൂര രീതിയില്‍ ജോലി ചെയ്യുന്നവര്‍ക്കും അവരുടെ കുടുംബാംഗങ്ങള്‍ക്കും വാര്‍ഷികാടിസ്ഥാനത്തില്‍ ദുബൈയിലേക്ക് താമസം മാറ്റാനുള്ള അവസരമാണ് ലഭ്യമാകുന്നത്. ആഗ്രഹമുള്ളവര്‍ക്ക് ഓണ്‍ലൈനായി അപേക്ഷിക്കാവുന്നതാണ് . ഒരാള്‍ക്ക് 287 ഡോളര്‍ അതായത് 1,054.15 ദിര്‍ഹം ആണ് ചെലവ്. യുഎഇയില്‍ സാധുതയുള്ള ആരോഗ്യ ഇന്‍ഷുറന്‍സും പ്രോസസിങ് ഫീസും നല്‍കേണ്ടതാണ്.

എന്നാൽ അപേക്ഷകര്‍ക്ക് ആറ് മാസമെങ്കിലും കാലാവധിയുള്ള പാസ്‍പോര്‍ട്ട് ഉണ്ടായിരിക്കണം. യുഎഇയില്‍ സാധുതയുള്ള ആരോഗ്യ ഇന്‍ഷുറന്‍സും നിര്‍ബന്ധമാക്കിയിട്ടുണ്ട്. കുറഞ്ഞത് 5000 ഡോളര്‍ (18,365 ദിര്‍ഹം) പ്രതിമാസ ശമ്പളം ഉണ്ടാകണം. ഇത് തെളിയിക്കാന്‍ മൂന്ന് മാസത്തെ ശമ്പള സ്ലിപ്പും ബാങ്ക് സ്റ്റേറ്റ്മെന്റും കരുതണം. കമ്പനി ഉടമയാണെങ്കില്‍ ഒരു വര്‍ഷത്തിനുമേല്‍ കമ്പനിയുടെ ഉടമസ്ഥാവകാശം തെളിയിക്കുന്ന രേഖയും പ്രതിമാസം ശരാശരി 5000 ഡോളര്‍ വരുമാനം തെളിയിക്കുന്ന ബാങ്ക് സ്റ്റേറ്റ്മെന്റും നല്‍കേണ്ടതാണ്. ഒരു വര്‍ഷത്തേക്ക് പൂര്‍ണമായോ ഏതാനും മാസങ്ങളിലേക്ക് മാത്രമായോ ഇവര്‍ക്ക് ദുബൈയില്‍ താമസിക്കാൻ സാധിക്കും.