കൊറോണ വ്യാപനത്തെ തുടർന്ന് കടുത്ത നടപടികളാണ് സ്വീകരിച്ചുവരുന്നത്. പ്രത്യേകിച്ച് ഗൾഫ് മേഖലയെ ഏറ്റവും കൂടുതൽ ആശ്രയിച്ചുവരുന്ന ഇന്ത്യക്കാരായ പ്രവാസികൾക്ക് ഇത് സങ്കീർണം തന്നെയാണ്. എന്നാൽ ഇതാ സൗദിയിൽ നിന്നും ഒരു സന്തോഷ വാർത്ത. സൗദിയില്‍നിന്നും ഫൈനല്‍ എക്സിറ്റ് നേടി പോകുന്നവരുടെ കാലാവധി ഈ മാസം 31വരെ നീട്ടിനല്‍കാന്‍ ഭരണാധികാരി സല്‍മാന്‍ രാജാവ് നിര്‍ദേശം നല്‍കുകയുണ്ടായി. ഓണ്‍ലൈന്‍ വഴിയാണ് വിസ നീട്ടി നല്‍കുന്നത് തന്നെ.

അതേസമയം ഫീസീടാക്കാതെയാണ് എക്സിറ്റ് വിസ നീട്ടി നല്‍കുന്നത്. നേരത്തെ ഫൈനല്‍ എക്സിറ്റ് കരസ്ഥമാക്കുകയും എന്നാല്‍ കാലാവധിക്കുള്ളില്‍ സൗദിയില്‍നിന്നും തിരികെ പോകുവാന്‍ സാധിക്കാതിരിക്കുകയും ചെയ്തവര്‍ക്കാണ് എക്സിറ്റ് വിസ ഈ മാസം 31 വരെ നീട്ടിനല്‍കാന്‍ സര്‍മാന്‍ രാജാവ് നിര്‍ദേശം നല്‍കിയിരിക്കുന്നത്.

അതോടൊപ്പം തന്നെ സല്‍മാന്‍ രാജാവിന്റെ ഉത്തരവ് എക്സിറ്റ് വിസ കാലാവധി അവസാനിച്ചതിനെ തുടര്‍ന്ന് നാട്ടിലേക്ക് മടങ്ങാനാവാതെ അനിശ്ചിതത്വത്തിലായ നിരവധിപേര്‍ക്ക് ആശ്വാസകരമാകുന്നതാണ്. എക്സിറ്റ് വിസ നീട്ടിനല്‍കാനുള്ള രാജാവിന്റെ നിര്‍ദേശം നാഷണല്‍ ഇന്‍ഫര്‍മേഷന്‍ സെന്ററുമായി സഹകരിച്ച് നടപ്പാക്കിത്തുടങ്ങിയതായി സൗദി പാസ്പോര്‍ട്ട് ഡയറക്ടറേറ്റ് അറിയിക്കുകയുണ്ടായി. ഇതിനോടകം തന്നെ 29,000 പേരുടെ ഫൈനല്‍ എക്സിറ്റ് നീട്ടി നല്‍കിയിട്ടുണ്ട്.