റോഡ്​ മുറിച്ചുകടക്കുന്നതിനിടെ വാഹനമിടിച്ച്​ കോട്ടയം സ്വദേശി ഒമാനിൽ മരിച്ചു. വെള്ളാവൂർ മണിമല കരിമ്പൻമാക്കൽ ബിജോ ജോസഫ്​ (46) ആണ്​ മരിച്ചത് എന്നാണ് ലഭ്യമാകുന്ന വിവരം​. കഴിഞ്ഞ 14നാണ്​ അപകടം റിപ്പോർട്ട് ചെയ്തത്​. എന്നാൽ സംഭവസ്​ഥലത്ത്​ വെച്ച്​ മരണം സംഭവിച്ചതായാണ്​ അറിയുന്നത്​.

അതേസമയം ബിജോയെ കാൺമാനില്ലാത്തതിനെ തുടർന്ന്​ നടത്തിയ അന്വേഷണത്തിലാണ്​ ഖൗല ആശുപത്രി മോർച്ചറിയിൽ മൃതദേഹം കണ്ടെത്തിയത്​. ഗാലയിലെ ഹോട്ടലിൽ മാനേജർ വിസയിൽ ഇൗ വർഷം ആദ്യത്തിലാണ്​ ബിജോ ഒമാനിലെത്തിയത് തന്നെ​. മാർച്ച്​ 13നാണ്​ വിസ അടിച്ചത്​.

വിനീതയാണ്​ ഭാര്യ. മൂന്ന്​ പെൺമക്കളുണ്ട്​. മൃതദേഹം നാട്ടിൽ കൊണ്ടു പോകുന്നതിനുള്ള നടപടികൾ നടക്കുന്നു.