അങ്ങനെ നമ്മുടെ മലയാളത്തിൽ നിരവധി ഹിറ്റ് സിനിമകൾ സമ്മാനിച്ച സംവിധായകനായ ലാൽ ജോസ് വീണ്ടും ദുബായിൽ. വാർത്തകൾക്ക് പിന്നാലെ അദ്ദേഹത്തിന്റെ പുതിയ ചിത്രങ്ങൾക്ക് വേണ്ടി ഏറെ ആകാംഷയോടെയാണ് ആരാധകർ കാത്തിരിക്കുന്നത്. ഇപ്പോഴിതാ തന്റെ പുതിയ ചിത്രം ഡിസംബർ പകുതിയോടെ ഷൂട്ടി​ഗ് ആരംഭിക്കുമെന്ന് അറിയിച്ചിരിക്കുകയാണ് ലാൽ ജോസ്. എന്നാൽ ചിത്രത്തിന്റെ മറ്റ് വിവരങ്ങൾ അദ്ദേഹം പുറത്തുവിട്ടിട്ടില്ല. പുതിയ ചിത്രത്തിന്റെ വാർത്തകൾ വന്നതോടുകൂടി ഏറെ പ്രതീക്ഷയിലാണ് പ്രവാസികൾ.അറബിക്കഥക്കും ഡയമണ്ട് നെക്‌ലെസിനും ശേഷം ദുബായിൽ ചിത്രീകരിക്കുന്ന ഒരു മുഴുനീള സിനിമയാണ് വരാനിരിക്കുന്നതെന്ന് ലാൽ ജോസ് തന്റെ ഫേസ്ബുക്കിൽ കുറിക്കുകയുണ്ടായി.

കുറിപ്പ് ഇങ്ങനെ;

വീണ്ടും ദുബായിലേക്ക്, അറബിക്കഥക്കും ഡയമണ്ട് നെക് ലെയ്സിനും ശേഷം ദുബായിൽ ചിത്രീകരിക്കുന്ന ഒരു മുഴുനീള സിനിമ. ഡിസംബർ പകുതിയോടെ ഷൂട്ടിങ്ങ്. പ്രി പ്രൊഡക്ഷൻ കാലത്തെ ഒരു അറേബ്യൻ സൈക്കിൾ സവാരിയുടെ വിശേഷങ്ങൾ ആദ്യം പറയാം..സിനിമയുടെ വിശദാംശങ്ങൾ പിന്നാലെ അറിയിക്കാം', എന്നായിരുന്നു ലാൽ ജോസ് കുറിച്ചത്. ഒപ്പം ചിത്രത്തിന്റെ പ്രിപ്രൊഡക്ഷൻ കാലത്തെ അറേബ്യൻ സൈക്കിൾ സവാരിയുടെ വിശേഷങ്ങളും അദ്ദേഹം പങ്കുവയ്ക്കുന്നുണ്ട്.