കൊറോണ വ്യാപനം നൽകിയ പ്രതിസന്ധി പ്രവാസികൾക്ക് നൽകിയത് കണ്ണുനീർ മാത്രമാണ്. ഒരുനേരത്തെ ആഹാരത്തിനുപോലും വകയില്ലാതെ പരസഹായത്തിൽ സ്വന്തം മണ്ണിൽ വന്നവരുടെ സന്തോഷം പിന്നെ പറഞ്ഞറിയിക്കാനയുമില്ല. എന്നാലിതാ കോറോണയെ പിന്നിട്ട് ഗൾഫ് രാഷ്ട്രങ്ങൾ സാധാരണ നിലയിലേക്ക് പോകുകയാണ്. പ്രവാസികൾ തിരികെ എത്തി തുടങ്ങി. മറ്റുപലരും ജോലി സാധ്യതകൾ അന്വേഷിക്കുകയാണ്. അവർക്കായി ഒരു സന്തോഷ വാർത്ത.

കൊറോണ വ്യാപനത്തിന് പിന്നാലെ പുതുതായി വികസിപ്പിച്ച ലേബർ റീ എംപ്ലോയ്മെൻറ് സംവിധാനം ഉപയോഗിക്കുന്നതിന്‍റെ മാർഗനിർദേശങ്ങൾ പുറത്തിറക്കിയിരിക്കുകയാണ് ഖത്തര്‍. അറബിയിലും ഇംഗ്ലീഷിലും ആയാണ് മാര്‍ഗ്ഗ നിര്‍ദ്ദേശങ്ങള്‍ പുറത്ത് വന്നത്. ലേബർ റീ-എംപ്ലോയ്‌മെന്റ് പ്ലാറ്റ്ഫോം എങ്ങനെ ഉപയോഗിക്കാമെന്ന് കൃത്യമായി തന്നെ കമ്പനികളെ അറിയിക്കുകയും ചെയ്തിട്ടുണ്ട്. ഇതിന് ആവശ്യമായ മാർഗനിർദേശങ്ങൾ ആണ് കമ്പനി പുറത്തിറക്കിയിട്ടുള്ളത്.

അതോടൊപ്പം തന്നെ ഖത്തർ ചേംബറും ഭരണ നിർവഹണ സമിതിയും, തൊഴിൽ സാമൂഹിക മന്ത്രാലയവും ചേര്‍ന്നാണ് ഇത്തരത്തിൽ പ്രത്യേക ഉപയോക്തൃ മാർഗനിർദേശങ്ങൾ പുറത്തിറക്കിയിട്ടുള്ളത്. തൊഴിലിനായി രജിസ്റ്റര്‍ ചെയ്യുന്നത് മുതല്‍ അതിന്‍റെ അവസാന ഘട്ടം എത്തുന്നത് വരെ എന്ത് ചെയ്യണം എന്ന് കൃത്യമായി മാർഗനിർദേശങ്ങളില്‍ വ്യക്തമാക്കുകയും ചെയ്തിട്ടുണ്ട്. നിര്‍മ്മാണ പ്രവര്‍ത്തനങ്ങളില്‍ ഓരോ കമ്പനിക്ക് ആവശ്യമായ തൊഴിലാളികളെ കണ്ടെത്തുന്നതിന് കമ്പനികളെ സഹായിക്കുകയെന്നതാണ് ഇതിലൂടെ ലക്ഷ്യം വയ്ക്കുന്നത്.