കൊറോണ വ്യാപനം പ്രവാസികളെ ഏറെ നൊമ്പരത്തിലാഴ്ത്തിയിരുന്നു. ജോലി നഷ്ടപ്പെടും ഒരുനേരത്തെ ആഹാരത്തിനുപോലും വകയില്ലാതെ നിരവധിപേരുടെ സഹായത്താൽ നാട്ടിലെത്തിച്ചേർന്ന പ്രവാസികളെ നാം മറക്കില്ല. എന്നാലിതാ പ്രവാസികളെ തിരിച്ചുവിളിക്കാനൊരുങ്ങി യുഎഇയുടെ അടുത്ത പ്രഖ്യാപനം. കൊവിഡ് മഹാമാരിയെ തുടര്‍ന്ന് മന്ദഗതിയിലായ യുഎഇയിലെ തൊഴില്‍ മേഖല 2021ഓടെ കൂടുതല്‍ കരുത്താര്‍ജ്ജിച്ച് തിരിച്ചുവരുമെന്നാണ് റിക്രൂട്ടിംഗ് ഏജന്‍സികൾ വ്യക്തമാക്കുന്നത്. അടുത്ത വര്‍ഷത്തോടെ കൊവിഡ് നിയന്ത്രണങ്ങളില്‍ കൂടുതല്‍ ഇളവ് വരുന്നതോടെ പ്രവാസികള്‍ക്ക് മുമ്പില്‍ യുഎഇ വലിയ തൊഴിലവസരങ്ങള്‍ തുറന്നിടുമെന്നാണ് പ്രതീക്ഷയാണ് നൽകുന്നത്..

ലോകത്ത് പടര്‍ന്ന് പിടിച്ച കൊവിഡ് വൈറസിന്റെ പ്രത്യാഘാതമെന്നോണം യുഎഇയിലും പ്രവാസികളുള്‍പ്പെടെ നിരവധി പേര്‍ക്ക് തൊഴില്‍ നഷ്ടമാകുകയുണ്ടായി. എന്നാൽ തന്നെയും ജോലി നിലനിര്‍ത്താനായവരുടെ ശമ്പളത്തില്‍ കാര്യമായ കുറവും ഉണ്ടായി. കുറച്ച് ദിവസങ്ങളായി വൈറസ് വ്യാപനത്തിന്റെ തീവ്രത കുറഞ്ഞുവരുന്നതോടെ തൊഴില്‍ മാര്‍ക്കറ്റില്‍ നേരിയ ചലനം ഉണ്ടായതായി കാണുവാൻ സാധിക്കും. പ്രധാനമായും ഇ-കൊമേഴ്‌സ് രംഗത്താണ് ഇപ്പോള്‍ കൂടുതല്‍ റിക്രൂട്ട്‌മെന്റുകള്‍ നടക്കുന്നത്.

അതേസമയം വിനോദം, ഹോട്ടല്‍, ലോജിസ്റ്റിക്‌സ്, ടൂറിസം തുടങ്ങിയ മേഖലകള്‍ കൂടുതല്‍ സജീവമാവുന്നതോടെ കൂടുതല്‍ പേര്‍ക്ക് തൊഴില്‍ ലഭിക്കുന്നതിനുള്ള അവസരമൊരുങ്ങുമെന്ന് ബ്ലാക്ക് ആന്റ് ഗ്രേ ഹ്യൂമണ്‍ റിസോഴ്‌സസ് ചീഫ് എക്‌സിക്യൂട്ടീവ് നെവിന്‍ ലൂയിസ് അഭിപ്രായപ്പെടുന്നത്. ഫ്യൂച്ചര്‍ ടെന്‍സ്, ബ്ലാക്ക് ആന്റ് ഗ്രേ എന്നീ റിക്രൂട്ടിംഗ് ഏജന്‍സികള്‍ നല്‍കുന്ന വിവരങ്ങളനുസരിച്ച് 2021ല്‍ കൂടുതല്‍ തൊഴിലവസരങ്ങള്‍ സൃഷ്ടിക്കപ്പെടുന്ന മേഖലകള്‍ ഇവയൊക്കെ:

- സോഫ്റ്റ്‌വെയര്‍ എഞ്ചിനീയര്‍- ശമ്പളം 15,000-30,000 ദിര്‍ഹം
- ഡിജിറ്റല്‍ പ്രൊഡക്ട് ഡെവലപ്പേഴ്‌സ്/ പ്രൊഡക്ട് മാനേജേഴ്‌സ്- ശമ്പളം 20,000-40,000 ദിര്‍ഹം
- സൈബര്‍ സെക്യൂരിറ്റി, ക്ലൗഡ് ഇന്‍ഫ്രാസ്ട്രക്ചര്‍- 15,000-30,000 ദിര്‍ഹം
- ബിസിനസ് ഡെവലപ്‌മെന്റ്- സെയില്‍സ് സ്‌പെഷ്യലിസ്റ്റ്- 10,000-30,000 ദിര്‍ഹം

- ക്രെഡിറ്റ് കണ്‍ട്രോളേഴ്‌സ്/ഫിനാന്‍സ് അനലിസ്റ്റ്- 10,000-25,000 ദിര്‍ഹം
- ഇ-കൊമേഴ്‌സ് മാനേജര്‍- 8,000-20,000 ദിര്‍ഹം
- ഡാറ്റ സയന്റിസ്റ്റ് - 10,000-35,000 ദിര്‍ഹം
- മാര്‍ക്കറ്റിംഗ് ആന്റ് സോഷ്യല്‍ മീഡിയ സ്‌പെഷ്യലിസ്റ്റ്- 5,000-15,000 ദിര്‍ഹം.

അതോടൊപ്പം തന്നെ ഡിജിറ്റല്‍ ട്രാന്‍സ്‌ഫോര്‍മേഷന്‍, ഓഗ് മെന്റഡ് റിയാലിറ്റി, ഇ ലേണിംഗ് തുടങ്ങിയ മേഖലകളിലെ നിരവധി സ്റ്റാര്‍ട്ടപ്പ് സംരംഭങ്ങള്‍ യുഎഇയില്‍ കമ്പനികള്‍ തുടങ്ങാന്‍ തയ്യാറായി മുന്നോട്ടുവന്നിട്ടുള്ളതായാണ് റിപോർട്ടുകൾ വ്യക്തമാക്കുന്നത്. ഇതിനനുസരിച്ചുള്ള നൈപുണ്യം വളര്‍ത്തിയെടുക്കാന്‍ സാധിക്കുന്നവര്‍ക്ക് വലിയ സാധ്യതകളാണ് കാണുവാൻ സാധിക്കുന്നത്. നിലവിൽ അനുഭവപ്പെടുന്ന കൊവിഡ് ഭീതി നിലനില്‍ക്കുകയാണെങ്കില്‍ തന്നെ വര്‍ക്ക് ഫ്രം ഹോം രീതിയിലാവും ജീവനക്കാരെ റിക്രൂട്ട്‌ചെയ്യുക.