പ്രവാസികളെ തിരിച്ചുവിളിക്കാനൊരുങ്ങി യുഎഇയുടെ അടുത്ത പ്രഖ്യാപനം. കൊവിഡ് മഹാമാരിയെ തുടര്‍ന്ന് മന്ദഗതിയിലായ യുഎഇയിലെ തൊഴില്‍ മേഖല 2021ഓടെ കൂടുതല്‍ കരുത്താര്‍ജ്ജിച്ച് തിരിച്ചുവരുമെന്നാണ് റിക്രൂട്ടിംഗ് ഏജന്‍സികൾ വ്യക്തമാക്കുന്നത്. അടുത്ത വര്‍ഷത്തോടെ കൊവിഡ് നിയന്ത്രണങ്ങളില്‍ കൂടുതല്‍ ഇളവ് വരുന്നതോടെ പ്രവാസികള്‍ക്ക് മുമ്പില്‍ യുഎഇ വലിയ തൊഴിലവസരങ്ങള്‍ തുറന്നിടുമെന്നാണ് പ്രതീക്ഷയാണ് നൽകുന്നത് തന്നെ.

അതേസമയം സഹിഷ്ണുതയിലും സഹവര്‍ത്തിത്വത്തിലും ആളുകളെ സ്വീകരിക്കുന്നതിലുമാണ് യുഎഇ വിശ്വസിക്കുന്നതെന്ന് വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തും പറയുന്നത്. ഇതേതുടർന്ന് മനുഷ്യരിലെ വൈവിധ്യത്തെ സ്വാഗതം ചെയ്യുക എന്ന യുഎഇയുടെ നയം യുഎൻ നയങ്ങളോട് സാമ്യമുള്ളതാണ്. ആയതിനാൽ തന്നെ സ്വപ്നങ്ങൾ നേടാൻ എത്തുന്നവർക്കായി യുഎഇയുടെ വാതിലുകൾ എപ്പോഴും തുറന്നു കിടക്കുമെന്നും ഷെയ്ഖ് മുഹമ്മദ് പറഞ്ഞു.