കേരളത്തിൽ ഇടയ്ക്കിടയ്ക്ക് ഉണ്ടാകുന്ന പ്രകൃതി ദുരന്തങ്ങൾക്ക് കാരണം സർക്കാരാണെന്ന് രീതിയിൽ നിരവധിപേർ പരാമർശിച്ചിരുന്നു. ഇത്തരക്കാർക്ക് മറുപടിയുമായി പിണറായി വിജയൻ രംഗത്ത്. കേരളത്തിൽ അടിക്കടി പ്രകൃതി ദുരന്തങ്ങൾ ഉണ്ടാകുന്നത് സർക്കാരിന്റെ കുറ്റം കൊണ്ടല്ലെന്നാണ് പിണറായി വിജയൻ പറഞ്ഞത്.

കാലാവസ്ഥാ മാറ്റം സൃഷ്ടിക്കുന്ന പ്രശ്നങ്ങളെ അതീവ ഗൗരവത്തോടെ തന്നെയാണ് നോക്കി കാണുന്നത്. കാലാവസ്ഥ മാറ്റം സംബന്ധിച്ച പ്രതിപക്ഷത്തിന്റെ അടിയന്തര പ്രമേയത്തിന് നിയമസഭയില്‍ മറുപടി നല്‍കുകയായിരുന്നു അദ്ദേഹം. കെ. റെയില്‍ പാതക്കെതിരെയുള്ള പ്രതിപക്ഷത്തിന്റെ നിലപാട് ദൗർ ഭാഗ്യകരമാണ്.

സാമ്പത്തിക വളർച്ചയും പരിസ്ഥിതി സംരക്ഷണവും സന്തുലിതമാകുന്ന ഒരു വികസന പരിപ്രേഷ്യമാണ് ഈ സർക്കാരിനുള്ളത്. വികസനപ്രവര്‍ത്തനങ്ങള്‍ നടത്തുമ്പോൾ തന്നെ പാരിസ്ഥിതിക സംരക്ഷണത്തെ പ്രധാനമായി കാണുന്നു എന്നതുകൊണ്ടാണ് കേരളത്തിന്റെ പരിസ്ഥിതിയെ സംബന്ധിച്ചുള്ള ഒരു ധവളപത്രം എല്‍ ഡി എഫ് സര്‍ക്കാര്‍ പുറപ്പെടുവിച്ചിട്ടുള്ളത്.

നേരത്തെ തന്നെ പാരിസ്ഥിതിക പ്രശ്നത്തെ ഗൗരവമായി കാണുകയും തുടര്‍ന്ന് ഓരോ ഘട്ടത്തിലും ഉയര്‍ന്നുവരുന്ന പ്രശ്നത്തെ കണ്ട് പരിഹരിക്കുന്നതിനുള്ള നടപടികളാണ് സര്‍ക്കാര്‍ സ്വീകരിച്ചുവരുന്നതെന്നും അദേഹംകൂട്ടിച്ചേർത്തു.