കുവൈത്ത് ആഭ്യന്തര മന്ത്രാലയം നടത്തിയ പരിശോധനയില് കണ്ടെത്തിയത് വ്യാജ ഗാര്ഹിക തൊഴിലാളി ഓഫീസ്; ഇവിടെ അഭയം പ്രാപിച്ച നാല് താമസനിയമ ലംഘകരെ അധികൃതര് പിടികൂടി, കഴിഞ്ഞ ആറു മാസത്തിനിടെ നിയമ ലംഘനങ്ങളുടെ പേരില് നാടുകടത്തിയത് 10,800 പ്രവാസികളെ...
പ്രവാസികൾക്ക് മുന്നറിയിപ്പ് നൽകിക്കൊണ്ട് കുവൈറ്റ് നടപപടികൾ കടുപ്പിച്ചിരിക്കുകയാണ്. നിലവിൽ കടുത്ത പരിശോധനകളാണ് നടന്നുവരുന്നത്. കുവൈത്ത് ആഭ്യന്തര മന്ത്രാലയം നടത്തിയ പരിശോധനയില് വ്യാജ ഗാര്ഹിക തൊഴിലാളി ഓഫീസ് കണ്ടെത്തിയിരിക്കുകയാണ്. ഇവിടെ അഭയം പ്രാപിച്ച നാല് താമസനിയമ ലംഘകരെ അധികൃതര് പിടികൂടിയിട്ടുണ്ട്. കുവൈത്തിലെ സെവില്ലി പ്രദേശത്തു നിന്നാണ് ഇവര് പിടിയിലായിരിക്കുന്നത്. തുടര് നിയമനടപടികള്ക്കായി ഇവരെ ബന്ധപ്പെട്ട വകുപ്പുകള്ക്ക് കൈമാറിയിരിക്കുകയാണ്.
അതേസമയം കുവൈത്തില് കഴിഞ്ഞ ആറു മാസത്തിനിടെ 10,800 പ്രവാസികളെ താമസ നിയമ ലംഘനങ്ങളുടെ പേരില് നാടുകടത്തിയിട്ടുണ്ട്. സുരക്ഷാ വകുപ്പകളെ ഉദ്ധരിച്ച് രാജ്യത്തെ പ്രാദേശിക മാധ്യമങ്ങളാണ് ഈ കണക്കുകള് റിപ്പോര്ട്ട് ചെയ്തിരിക്കുന്നത്. നിയമലംഘകരായ പ്രവാസികളെ പിടികൂടാനായി തന്നെ നടത്തിക്കൊണ്ടിരിക്കുന്ന പരിശോധനകളില് 2022 ജനുവരി ഒന്ന് മുതല് ജൂണ് 20 വരെ പിടിയിലായവരുടെ കണക്കാണിത്.
അതായത് ചെറിയ വരുമാനക്കാരും ബാച്ചിലേഴ്സ് അക്കൊമഡേഷനുകളില് താമസിക്കുന്നവരുമാണ് പരിശോധനകളില് പിടിയിലായവരില് അധിക പേരുമെന്ന് അല് സിയാസ ദിനപ്പത്രം പ്രസിദ്ധീകരിച്ച റിപ്പോര്ട്ടില് ചൂണ്ടിക്കാണിക്കുകയുണ്ടായി. ജലീബ് അല് ശുയൂഖ്, മഹ്ബുല, ശുവൈഖ് ഇന്ഡസ്ട്രിയല് ഏരിയ, ബുനൈദ് അല് ഗാര്, വഫ്റ ഫാംസ്, അബ്ദലി തുടങ്ങിയ സ്ഥലങ്ങളില് നിന്നാണ് നിരവധിപ്പേരെ അറസ്റ്റ് ചെയ്തിരിക്കുന്നത്. അതേസമയം രാജ്യത്ത് അനധികൃത പ്രവാസികളെ കണ്ടെത്താന് ലക്ഷ്യമിട്ടുള്ള പരിശോധനകള് തുടരുകയാണ്. ഏതെങ്കിലും പ്രത്യേക പ്രദേശത്തെ മാത്രം ലക്ഷ്യമിട്ടോ അല്ലെങ്കില് ഏതെങ്കിലും പ്രദേശങ്ങളെ ഒഴിവാക്കിയോ അല്ല ഈ പരിശോധനകളെന്ന് അധികൃതര് അറിയിക്കുകയുണ്ടായി.
അങ്ങനെ നിരന്തരമുള്ള പരിശോധനകളില് നിന്ന് രക്ഷപ്പെടുന്നതിനായി, നിയമലംഘകരായ പ്രവാസികള് ജലീബ് അല് ശുയൂഖ് വിട്ട് മറ്റ് പ്രദേശങ്ങളിലേക്ക് മാറുന്നതായുള്ള റിപ്പോര്ട്ടുകളും അധികൃതര് നിഷേധിക്കുകയും ചെയ്തു. നിയമലംഘകര്ക്ക് രക്ഷപ്പെടാനുള്ള ഒരു പഴുതും നല്കാതെയാണ് പരിശോധനകള് നടത്തുന്നതെന്നാണ് അധികൃതരുടെ നിലപാട് എന്നത്.
https://www.facebook.com/Malayalivartha