ഹജ്ജിന്റെ പ്രധാന ചടങ്ങുകളിലൊന്നായ അറഫാ സംഗമം ഇന്ന്... മിനായില് രാപ്പാര്ത്ത തീര്ഥാടകര് പുലര്ച്ചെ തന്നെ അറഫ മലയെ ലക്ഷ്യമാക്കിയുള്ള യാത്ര തുടങ്ങി, സൗദി അടക്കമുള്ള ഗള്ഫ് രാജ്യങ്ങള് നാളെയാണ് ബലി പെരുന്നാള്
ഹജ്ജിന്റെ പ്രധാന ചടങ്ങുകളിലൊന്നായ അറഫാ സംഗമം ഇന്ന്... മിനായില് രാപ്പാര്ത്ത തീര്ഥാടകര് പുലര്ച്ചെ തന്നെ അറഫ മലയെ ലക്ഷ്യമാക്കിയുള്ള യാത്ര തുടങ്ങി, സൗദി അടക്കമുള്ള ഗള്ഫ് രാജ്യങ്ങള് നാളെയാണ് ബലി പെരുന്നാള്.
മിനായില് രാപ്പാര്ത്ത തീര്ഥാടകര് പുലര്ച്ചെ തന്നെ അറഫ മലയെ ലക്ഷ്യമാക്കിയുള്ള യാത്ര തുടങ്ങി. ഇന്ന് പകല് മുഴുവന് തീര്ഥാടകര് അറഫയില് തങ്ങും.
തമ്പുകളുടെ നഗരമായ മിനയില് നിന്ന് പ്രവാചകന് മുഹമ്മദ് നബി വിടവാങ്ങല് പ്രസംഗം നടത്തിയ അറഫയിലേക്ക് പാപമോചനത്തിന്റെ പ്രാര്ഥനകളുമായി തീര്ഥാടകര് പുലര്ച്ചെ തന്നെ നീങ്ങിത്തുടങ്ങി.
നമീറ പള്ളിയും അറഫാ നഗരിയും ഉച്ചയോടെ വിശ്വാസ സാഗരമായി മാറും, മുഹമ്മദ് നബി ഹജ്ജില് വിടവാങ്ങല് പ്രസംഗം നടത്തിയ ശേഷം ഇവിടെ വച്ച് കാരുണ്യത്തിനായി ദൈവത്തോട് പ്രാര്ഥിച്ചെന്ന വിശ്വാസത്തിന്റെ അടിസ്ഥാനത്തില് ഹാജിമാര് അറഫയില് സംഗമിക്കുന്നു.
ഉച്ച നമസ്കാരത്തിന് മുന്നോടിയായി പ്രവാചകന്റെ വിടവാങ്ങല് പ്രസംഗത്തെ അനുസ്മരിച്ച് ഇമാം അറഫാ പ്രഭാഷണം നടത്തും. ദിവസം മുഴുവന് പ്രാര്ഥനകളുമായി തീര്ഥാടകര് അറഫയില് ചെലവഴിക്കുകയും ചെയ്യും. ളുഹര്, അസര് നമസ്കാരങ്ങള് അറഫയില് നിര്വഹിക്കുന്ന ഹാജിമാര് സൂര്യാസ്തമനത്തിന് ശേഷം മുസ്ദലിഫയിലേക്ക് പോകും. രാത്രി അവിടെ ചെലവഴിക്കുന്ന തീര്ഥാടകര്, ചെകുത്താനെ എറിയുന്നതിനുള്ള കല്ലുകള് ശേഖരിക്കും. ബലിപരുനാള് ദിവസം ബലികര്മവും മുടി മുറിക്കലും നടത്തും. തുടര്ന്ന് ജംറയിലെ ആദ്യ കല്ലേറ് കര്മം പൂര്ത്തിയാക്കുന്നതോടെ ഹജ്ജിന്റെ പ്രധാന ചടങ്ങുകള് അവസാനിക്കും. തുടര്ന്ന് ഹറം പള്ളിയിലേക്കെത്തുന്ന തീര്ഥാടകര് സഫ, മര്വ മലകള്ക്കിടയില ഓട്ടം പൂര്ത്തീകരിച്ച് മിനായിലേക്ക് മടങ്ങും.
"
https://www.facebook.com/Malayalivartha
