ദുബൈക്ക് റമദാന് കരീം ആശംസ, ദുബൈ പോലെ ഒരു രാമരാജ്യമാക്കി ഇന്ത്യയെ മാറ്റുമെന്നു ബാബാ രാംദേവ്
അഴിമതിയിയോ തമ്മില്ത്തല്ലോ സ്വജനപക്ഷപാതമോ ഇല്ലാത്ത നീതിപൂര്വമായ ഭരണം നടക്കുന്നു എന്ന നിലയില് ദുബൈ രാമരാജ്യമാണ്, ഇതുപോലുള്ള രാജ്യമാക്കി ഇന്ത്യയെ മാറ്റാനാണ് തങ്ങള് ശ്രമിക്കുന്നത് എന്ന് യോഗ ഗുരു വേദിയില് പറഞ്ഞു. യോഗാഭ്യാസത്തെ മതവുമായി ബന്ധപ്പെടുത്തരുത്. മതേതരമായ ആരോഗ്യ സംരക്ഷണ രീതിയാണത്. ആമീന് പറഞ്ഞോ ഓം പറഞ്ഞോ നിങ്ങള്ക്കിതില് പങ്കെടുക്കാംരാം ദേവ് പറഞ്ഞു.
അന്താരാഷ്ട്ര യോഗ ദിനത്തോടനുബന്ധിച്ച് ദുബൈ ഇന്ത്യന് കോണ്സുലേറ്റ് ദുബൈ സ്പോര്ട്സ് കൗണ്സിലുമായി സഹകരിച്ച് ശനിയാഴ്ച രാത്രി ദുബൈ വേള്ഡ് ട്രേഡ് സെന്ററില് സംഘടിപ്പിച്ച യോഗ പരിപാടിയില് സംസാരിക്കുമ്പോഴായിരുന്നു രാംദേവ് ദുബൈ രാമരാജ്യമാണെന്നു പറഞ്ഞത്.
ആയിരങ്ങള് പങ്കെടുത്ത യോഗ പരിപാടി രണ്ടു ഘട്ടങ്ങളായാണ് നടന്നത്. വിവിധ രോഗങ്ങള്ക്കുള്ള ഉചിതമായ ആസനങ്ങള് അദ്ദേഹം വേദിയില് അവതരിപ്പിച്ചു. പിന്നീട് ഇന്ത്യന് കോണ്സുല് ജനറല് അനുരാഗ് ഭൂഷണ്, പത്നി നിത ഭൂഷണ്, ദുബൈ ടൂറിസം സി.ഇ.ഒ ഇസാം കാസിം, ദുബൈ സ്പോര്ട്സ് കൗണ്സില് മാര്ക്കറ്റിങ് ആന്ഡ് കമ്യൂണിക്കേഷന്സ് മാനേജര് ഡോ.ഐഷ ബിന് സുമൈദ് തുടങ്ങിയവരെ അഭ്യാസങ്ങള്ക്കായി അദ്ദേഹം വേദിയിലേക്ക് ക്ഷണിച്ചുവരുത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
