യുഎഇയിൽ വിവിധ ഭാഗങ്ങളിൽ ബുധനാഴ്ചയും മഴ തുടരുമെന്ന് മുന്നറിയിപ്പ്. മണിക്കൂറിൽ 50 കിലോമീറ്റർ വേഗതയിൽ വീശിയടിക്കുന്ന കാറ്റും പൊടിക്കാറ്റും ഉണ്ടാകാൻ സാധ്യതയുണ്ടെന്നും അസ്ഥിരമായ കാലാവസ്ഥ വാരാന്ത്യം വരെ നീളുമെന്നും അധികൃതർ അറിയിച്ചു. രാജ്യത്തിന്‍റെ കിഴക്കൻ, തെക്കൻ പ്രദേശങ്ങളിൽ ഉച്ചയോടെ കാർമേഘങ്ങൾ രൂപപ്പെടാനും ഒറ്റപ്പെട്ട മഴയ്ക്കും സാധ്യതയുണ്ടെന്ന് നാഷണൽ സെന്‍റർ ഓഫ് മെറ്റീരിയോളജി വ്യക്തമാക്കി. ഉച്ചയോടെ കാർമേഘങ്ങൾ രൂപപ്പെടാനും രാജ്യത്തിന്റെ കിഴക്കൻ, തെക്കൻ ഭാഗങ്ങളിൽ ഒറ്റപ്പെട്ട മഴയ്ക്കും സാധ്യതയുണ്ട്.


ഉപരിതലത്തിലും അന്തരീക്ഷത്തിന്‍റെ ഉയർന്ന തലത്തിലുമുള്ള ന്യൂനമർദ്ദ സ്വാധീനമാണ് ഈ കാലാവസ്ഥ മാറ്റത്തിന് കാരണം. മണിക്കൂറിൽ 10 മുതൽ 25 കിലോമീറ്റർ വരെ വേഗതയിൽ വീശുന്ന കാറ്റ്, ഉൾപ്രദേശങ്ങളിലും പർവ്വത പ്രദേശങ്ങളിലും 50 കിലോമീറ്റർ വേഗത്തിൽ വരെ ശക്തി പ്രാപിച്ചേക്കാം. ഇത് അന്തരീക്ഷത്തിൽ പൊടിപടലങ്ങൾ ഉയർത്താനും ദൃശ്യപരത കുറയാനും ഇടയാക്കും. അന്തരീക്ഷത്തിന്റെ ഉയർന്ന തലത്തിലുമുള്ള ന്യൂനമർദ്ദ സ്വാധീനമാണ് ഈ അസ്ഥിര കാലാവസ്ഥയ്ക്ക് കാരണം.



ഉൾപ്രദേശങ്ങളിൽ താപനില 42 ഡിഗ്രി സെൽഷ്യസ് വരെ ഉയരാം. തീരപ്രദേശങ്ങളിലും ദീപുകളിലും 35 ഡിഗ്രി സെൽഷ്യസ് മുതൽ 39 ഡിഗ്രി സെൽഷ്യസ് വരെയും, മലനിരകളിൽ 28 ഡിഗ്രി സെൽഷ്യസ് മുതൽ 36 ഡിഗ്രി സെൽഷ്യസ് വരെയുമായിരിക്കും താപനില. വ്യാഴം, വെള്ളി, ശനി, ഞായർ ദിവസങ്ങളിലും രാജ്യത്തിന്‍റെ വിവിധ ഭാഗങ്ങളിൽ മഴ തുടരാൻ സാധ്യതയുണ്ട്. രാത്രിയിലും പുലർച്ചെയും അന്തരീക്ഷത്തിൽ ഈർപ്പം വർധിക്കുന്നതിനാൽ തീരദേശങ്ങളിലും ഉൾനാടുകളിലും മൂടൽമഞ്ഞിനും സാധ്യതയുണ്ട്. അറേബ്യൻ ഗൾഫിലും ഒമാൻ കടലിലും കടൽ പൊതുവെ ശാന്തമായിരിക്കും.

• അബുദാബി: ഉയർന്ന താപനില 39°C, കുറഞ്ഞ താപനില 30°C. ഭാഗികമായി മേഘാവൃതമായ കാലാവസ്ഥയായിരിക്കും.
• ദുബായ്: ഉയർന്ന താപനില 37°C, കുറഞ്ഞ താപനില 29°C. ഉച്ചയ്ക്ക് ശേഷം മേഘാവൃതമാകാനും നേരിയ മഴയ്ക്കും സാധ്യതയുണ്ട്.
• ഷാർജ: ഉയർന്ന താപനില 37°C, കുറഞ്ഞ താപനില 27°C. ഷാർജയുടെ മധ്യമേഖലകളിൽ (ഫിലി പോലുള്ള ഇടങ്ങളിൽ) കഴിഞ്ഞ ദിവസങ്ങളിൽ ശക്തമായ മഴയും ആലിപ്പഴ വർഷവും റിപ്പോർട്ട് ചെയ്തിട്ടുണ്ട്. വരും ദിവസങ്ങളിലും ഇവിടെ അസ്ഥിര കാലാവസ്ഥ തുടരും..  ഷാർജയുടെ കിഴക്കൻ, പർവത മേഖലകളിൽ വ്യാഴം, വെള്ളി ദിവസങ്ങളിൽ ഉച്ചയ്ക്ക് ശേഷം ഇടിമിന്നലോട് കൂടിയ മഴയ്ക്ക് സാധ്യതയുണ്ട്.
 രാത്രി കാലങ്ങളിലും പുലർച്ചെയും അന്തരീക്ഷ ഈർപ്പം 80%-90% വരെ ഉയരുന്നതിനാൽ ഷാർജയിലെ ആന്തരിക റോഡുകളിൽ കനത്ത മഞ്ഞിനും കാഴ്ചപരിധി കുറയാനും സാധ്യതയുണ്ട്.

 (ഒക്ടോബർ 15, 16): രാജ്യത്തിന്റെ കിഴക്കൻ, വടക്ക്-കിഴക്കൻ പ്രദേശങ്ങളിൽ (പ്രത്യേകിച്ച് അൽ ഐൻ, ഫുജൈറ ഭാഗങ്ങളിൽ) കൺവെക്റ്റീവ് മേഘങ്ങൾ രൂപപ്പെടാനും ഇടിമിന്നലോട് കൂടിയ ശക്തമായ മഴയ്ക്കും സാധ്യതയുണ്ട്.  രാത്രിയിലും പുലർച്ചെയും അന്തരീക്ഷ ഈർപ്പം 70% മുകളിൽ ഉയരുന്നതിനാൽ ദുബായിലെ തീരദേശങ്ങളിലും ഉൾപ്രദേശങ്ങളിലും ശക്തമായ മഞ്ഞിനും പുകമഞ്ഞിനും (Fog/Mist) സാധ്യതയുണ്ട്. ഇത് കാഴ്ചപരിധിയെ ബാധിക്കുമെന്നതിനാൽ പുലർച്ചെ വാഹനങ്ങൾ ഉപയോഗിക്കുന്നവർ ജാഗ്രത പാലിക്കുക

രാത്രികാലങ്ങളിലും പുലർച്ചെയും: തീരദേശങ്ങളിലും ഉൾപ്രദേശങ്ങളിലും അന്തരീക്ഷ ഈർപ്പം (Humidity) 80% മുതൽ 90% വരെ ഉയരാൻ സാധ്യതയുള്ളതിനാൽ ശക്തമായ മഞ്ഞിനും (Fog/Mist) കാഴ്ചപരിധി കുറയാനും സാധ്യതയുണ്ട്. മൺസൂൺ മാറ്റത്തിന്റെ ഭാഗമായാണിത്.

വാഹനമോടിക്കുന്നവർ പുലർച്ചെയുള്ള മഞ്ഞുള്ള സമയങ്ങളിലും പൊടിക്കാറ്റുള്ളപ്പോഴും വേഗത കുറച്ച് അതീവ ജാഗ്രത പാലിക്കുക.
മലയോര മേഖലകളിലും വഫാദികളിലും (അരുവികൾ രൂപപ്പെടുന്ന ഇടങ്ങൾ) ഉള്ളവർ പെട്ടെന്നുണ്ടാകുന്ന വെള്ളപ്പൊക്ക സാധ്യത (Flash Flood) മുന്നിൽക്കണ്ട് ഇത്തരം പ്രദേശങ്ങളിൽ നിന്ന് മാറിനിൽക്കാൻ നാഷണൽ സെന്റർ ഓഫ് മെറ്റീരിയോളജി (NCM) നിർദ്ദേശിക്കുന്നു