മാസങ്ങൾ നീണ്ട യുഎസ്-ഇസ്രയേൽ വ്യോമാക്രമണങ്ങൾക്കും ഉപരോധങ്ങൾക്കും ശേഷവും ഇറാൻ വീണ്ടും യുദ്ധരംഗത്തേയ്ക്ക് വരുന്നതായി സൂചനകൾ . ആണവനിലയങ്ങൾക്ക് ചുറ്റും പ്രതിരോധ കോട്ടകൾ തീർത്തും, തകർന്ന മിസൈൽ-ഡ്രോൺ നെറ്റ്‌വർക്കുകൾ പുനഃസ്ഥാപിച്ചും ഇറാൻ അടുത്ത പോരാട്ടത്തിനായി തയാറെടുക്കുകയാണെന്ന് ഉപഗ്രഹ ചിത്രങ്ങളും പാശ്ചാത്യ രഹസ്യാന്വേഷണ റിപ്പോർട്ടുകളും വ്യക്തമാക്കുന്നു. ഇസ്രയേലിലും യുഎസിലും വരാനിരിക്കുന്ന നിർണായക തിരഞ്ഞെടുപ്പുകൾ പശ്ചിമേഷ്യൻ യുദ്ധക്കളത്തിൽ ഏതുസമയത്തും പുതിയൊരു തീപ്പൊരി ചിതറിക്കാമെന്ന ഭീതി ഉയർത്തുന്നുണ്ട്.

തന്ത്രപ്രധാനമായ നതാൻസ്, പിക്ആക്സ് മൗണ്ടൻ ആണവനിലയങ്ങൾക്ക് ചുറ്റും കൂറ്റൻ മൺതിട്ടകളും താൽക്കാലിക പ്രതിരോധ സംവിധാനങ്ങളും ഇറാൻ നിർമിച്ചുകഴിഞ്ഞു. ഭാവിയിൽ ഉണ്ടായേക്കാവുന്ന കരസേനാ റെയ്ഡുകളെയും നേരിട്ടുള്ള ആക്രമണങ്ങളെയും പ്രതിരോധിക്കുകയാണ് ഇതിന്റെ ലക്ഷ്യം  .രാജ്യാന്തര ഊർജ വിപണിയെ സ്വാധീനിക്കാൻ തന്ത്രപ്രധാനമായ ഹോർമുസ് കടലിടുക്കിലൂടെ പോകുന്ന കപ്പലുകൾക്ക് നേരെ ഇറാൻ അനുകൂല ശക്തികൾ ആക്രമണം കടുപ്പിച്ചിരിക്കുകയാണ്. ഒമാനുമായി ചേർന്ന് താൽക്കാലിക സുരക്ഷിത പാതകൾ ഉണ്ടാക്കാനും ഇറാൻ ശ്രമിക്കുന്നുണ്ട്

വാൾ സ്ട്രീറ്റ് ജേണൽ പുറത്തുവിട്ട പുതിയ ഉപഗ്രഹ ചിത്രങ്ങളുടെ വിശകലനം പ്രകാരം, ഇറാൻ തങ്ങളുടെ തന്ത്രപ്രധാനമായ സൈനിക-ആണവ മേഖലകളുടെ സംരക്ഷണം ശക്തമാക്കിയിരിക്കുകയാണ്. വാഷിങ്ടൻ ആസ്ഥാനമായി പ്രവർത്തിക്കുന്ന ‘ഇൻസ്റ്റിറ്റ്യൂട്ട് ഫോർ സയൻസ് ആൻഡ് ഇന്റർനാഷനൽ സെക്യൂരിറ്റി’യുടെ നിരീക്ഷണത്തിൽ ഇറാന്റെ പിക്ആക്സ് മൗണ്ടൻ, നതാൻസ് ആണവനിലയങ്ങൾക്ക് ചുറ്റും കൂറ്റൻ മൺതിട്ടകളും താൽക്കാലിക പ്രതിരോധ സംവിധാനങ്ങളും നിർമിച്ചുകഴിഞ്ഞു. ഭാവിയിൽ ഉണ്ടാകാൻ സാധ്യതയുള്ള കരസേനാ റെയ്ഡുകളെയോ നേരിട്ടുള്ള ആക്രമണങ്ങളെയോ പ്രതിരോധിക്കുകയാണ് ഇതിന്റെ ലക്ഷ്യം.

 രാജ്യത്തുടനീളം സാധാരണക്കാരെയും പാരാമിലിട്ടറി വിഭാഗങ്ങളെയും യുദ്ധസജ്ജരാക്കാനുള്ള നടപടികളും ഇറാൻ ആരംഭിച്ചിട്ടുണ്ട്. സ്കൂളുകളിൽ യുദ്ധകഥകൾ പ്രചരിപ്പിക്കുന്നതും അടിയന്തര സാഹചര്യങ്ങളിൽ പ്രയോഗിക്കാവുന്ന വ്യോമപ്രതിരോധ മിസൈൽ പരിശീലനങ്ങൾ നൽകുന്നതും ഇതിന്റെ ഭാഗമാണ്. : രാജ്യത്തെ വിമാനത്താവളങ്ങൾ, തുറമുഖങ്ങൾ, പവർ പ്ലാന്റുകൾ എന്നിവയെല്ലാം യുദ്ധകാല സാഹചര്യങ്ങളെ നേരിടാൻ സജ്ജമാക്കിയിട്ടുണ്ടെന്ന് ഇറാന്റെ പ്രതിരോധ വിഭാഗം അറിയിച്ചു.  


2025 ജൂണിലെ 12 ദിവസത്തെ യുദ്ധത്തിനും 2026 തുടക്കത്തിലെ കനത്ത ആക്രമണങ്ങൾക്കും ശേഷം, ഇറാന്റെ ബാലിസ്റ്റിക് മിസൈൽ ഉൽപാദന ശേഷി പൂർണമായും തകർത്തെന്നായിരുന്നു യുഎസ് വൈറ്റ് ഹൗസിന്റെയും ഇസ്രയേൽ പ്രധാനമന്ത്രി ബെന്യാമിൻ നെതന്യാഹുവിന്റെയും അവകാശവാദം. ഇറാനിലെ ആയുധപ്പുരകൾ പൂട്ടിപ്പോയെന്നും നിർമാണ നെറ്റ്‌വർക്കുകൾ ഇനി വർഷങ്ങളോളം തിരികെ വരില്ലെന്നും പാശ്ചാത്യ ലോകം കരുതപ്പെട്ടിരുന്നു.

എന്നാൽ, ബ്ലൂംബെർഗ് പുറത്തുവിട്ട ഏറ്റവും പുതിയ റിപ്പോർട്ട് ഈ വാദങ്ങളെ പൂർണമായി തള്ളിക്കളയുന്നു. യുദ്ധത്തിന് മുൻപ് ഇറാനിൽ ഏകദേശം 2,500 ബാലിസ്റ്റിക് മിസൈലുകൾ ഉണ്ടായിരുന്നു. എട്ടുമാസത്തെ കനത്ത ബോംബാക്രമണത്തിന് ശേഷവും ഇതിന്റെ മുക്കാൽ ഭാഗവും ഇറാന്റെ കൈവശം സുരക്ഷിതമായിട്ടുണ്ടെന്നാണ് രഹസ്യാന്വേഷണ വിലയിരുത്തൽ. സജീവ പ്രയത്നത്തിലൂടെ ഭൂഗർഭ കേന്ദ്രങ്ങൾ പുനരുദ്ധരിച്ച് ഇറാൻ ബാലിസ്റ്റിക് മിസൈലുകളുടെയും ആക്രമണ ഡ്രോണുകളുടെയും ഉൽപാദനം വീണ്ടും ആരംഭിച്ചിട്ടുണ്ട്.

റഷ്യയിൽ നിന്ന് ഇറാനിലേക്ക് വൻതോതിൽ മിസൈലുകളും സാങ്കേതിക സഹായങ്ങളും എത്തുന്നുണ്ടെന്ന വിവരവും പാശ്ചാത്യ രഹസ്യാന്വേഷണ വൃത്തങ്ങൾ സ്ഥിരീകരിക്കുന്നു. ഇറാന്റെ സൈനിക അടിത്തറ പൂർണമായി തകർത്തെന്ന യുഎസ് പ്രതിരോധ സെക്രട്ടറി പീറ്റ് ഹെഗ്സെത്തിന്റെ വാദങ്ങളെ തള്ളിക്കളയുന്നതാണ് പുറത്തുവരുന്ന ഈ യാഥാർഥ്യങ്ങൾ.

ഹോർമുസ് കടലിടുക്കിലെ കപ്പൽ ഗതാഗതം പൂർണമായി തുറന്നുകൊടുക്കാനും യുദ്ധം അവസാനിപ്പിക്കാനുമുള്ള യുഎസിന്റെ ഒടുവിലത്തെ നിർദേശങ്ങൾ ഇറാൻ തള്ളിക്കളഞ്ഞു. യുഎസ് നിലപാടുകൾ ‘അപര്യാപ്തമാണ്’ എന്നാണ് ഇറാന്റെ സുപ്രീം നാഷനൽ സെക്യൂരിറ്റി കൗൺസിൽ വ്യക്തമാക്കിയത്.

അതേസമയം, യുഎസിൽ നവംബറിൽ നടക്കുന്ന ഇടക്കാല തിരഞ്ഞെടുപ്പിന് മുൻപായി ഇറാനെതിരെ തൽക്കാലം പുതിയ ആക്രമണങ്ങൾ വേണ്ടെന്ന് ട്രംപ് ഭരണകൂടം തീരുമാനിച്ചതായി വിവരമുണ്ട്. എന്നാൽ ഇത് ഇറാന് ആയുധശേഖരം വീണ്ടെടുക്കാനും കൂടുതൽ ശക്തമാകാനും സമയം നൽകുകയാണെന്ന് സൈനിക വിദഗ്ധർ ഭയക്കുന്നു.  വീണ്ടുമൊരു ആക്രമണം ഉണ്ടായാൽ അയൽരാജ്യങ്ങളിലെ എണ്ണ ഉൽപാദന കേന്ദ്രങ്ങളെയും യുഎസ് കപ്പലുകളെയും ആക്രമിക്കുമെന്നും ഇറാൻ മുന്നറിയിപ്പ് നൽകിയിട്ടുണ്ട്

യുഎസിലും ഇസ്രയേലിലും നടക്കുന്ന തിരഞ്ഞെടുപ്പുകൾക്ക് തൊട്ടുമുൻപ് രാഷ്ട്രീയ നേട്ടങ്ങൾക്കായി ഇരുകൂട്ടരും ഇറാനെതിരെ വ്യോമാക്രമണത്തിന് തുനിഞ്ഞേക്കാമെന്ന് ഇസ്രയേലി മാധ്യമമായ ‘മാരീവ്’ വ്യക്തമാക്കുന്നു.

നേരിട്ടുള്ള പരമ്പരാഗത യുദ്ധത്തിന് പകരം മേഖലയെ ആകെ അസ്ഥിരപ്പെടുത്തുന്ന തന്ത്രമാണ് ഇറാൻ പയറ്റുന്നത്. 1.  രാജ്യാന്തര ഊർജ വിപണിയെ തകർക്കാൻ ഹോർമുസ് കടലിടുക്കിലൂടെ പോകുന്ന കപ്പലുകൾക്ക് നേരെ ഇറാൻ ആക്രമണം കടുപ്പിച്ചു. കഴിഞ്ഞ ഒരാഴ്ചയ്ക്കുള്ളിൽ മാത്രം പത്തോളം കപ്പലുകളാണ് ആക്രമിക്കപ്പെട്ടത്.

2.  യുദ്ധം വീണ്ടും പടർന്നാൽ സൗദി അറേബ്യയിലെ എണ്ണ ഉൽപാദന കേന്ദ്രങ്ങൾ ഉൾപ്പെടെയുള്ള അയൽരാജ്യങ്ങളിലെ പ്രധാന കേന്ദ്രങ്ങൾ ആക്രമിക്കുമെന്ന് ഇറാൻ മുന്നറിയിപ്പ് നൽകിയിട്ടുണ്ട്.

3.  സെപ്റ്റംബർ 30-ഓടെ ഇറാഖിൽ നിന്ന് യുഎസ് സേന പൂർണമായി പിന്മാറിയത് ഇറാനിയൻ പിന്തുണയുള്ള സംഘങ്ങൾക്ക് കാര്യങ്ങൾ എളുപ്പമാക്കി. ഇറാഖ് അതിർത്തി വഴി അയൽരാജ്യങ്ങളിലേക്ക് കരമാർഗം കടന്നുകയറ്റം നടത്താനുള്ള സാധ്യതയും തള്ളിക്കളയാനാകില്ല.

ഇസ്രയേലിനേക്കാൾ 75 മടങ്ങും ലെബനനേക്കാൾ 150 മടങ്ങും വലുപ്പമുള്ള കൂറ്റൻ ഭൂപ്രകൃതിയാണ് ഇറാന്റേത്. ചെറിയൊരു അതിർത്തിയുള്ള ലെബനനിൽ പോലും ഹിസ്ബുല്ലയെ പൂർണമായി കീഴടക്കാൻ പ്രയാസപ്പെടുന്ന ഇസ്രയേലിന്, ഇറാനിലെ വിസ്തൃതമായ ഭൂഗർഭ ആയുധപ്പുരകളെയും മിസൈൽ കേന്ദ്രങ്ങളെയും പൂർണമായി തകർക്കുക എന്നത് അസാധ്യമായ കാര്യമാണ്.

ഇറാന്റെ സൈനിക വീര്യം തകർക്കുക എന്ന ലക്ഷ്യത്തോടെ യു.എസും ഇസ്രായേലും ചേർന്ന് ഇറാന്റെ ആണവ നിലയങ്ങൾ, മിസൈൽ താവളങ്ങൾ, സൈനിക കമാൻഡ് ഘടനകൾ എന്നിവ ലക്ഷ്യമിട്ട് വൻതോതിലുള്ള വ്യോമാക്രമണങ്ങളും സൈബർ ആക്രമണങ്ങളും നടത്തിയിട്ടുണ്ട്.

പ്രതിരോധ സഖ്യങ്ങൾ: ഗൾഫ് മേഖലയിലെ യു.എസ് സൈനിക താവളങ്ങളും മിസൈൽ പ്രതിരോധ സംവിധാനങ്ങളും (ഉദാഹരണത്തിന് പേട്രിയറ്റ് മിസൈലുകൾ) കൂടുതൽ ശക്തിപ്പെടുത്തി ഇറാന്റെ മിസൈൽ ഭീഷണികളെ നേരിടുന്നു

യെമനിലെ ഹൂത്തികൾ, ലെബനനിലെ ഹിസ്ബുള്ള തുടങ്ങിയ ഇറാൻ അനുകൂല സായുധ ഗ്രൂപ്പുകളുടെ സൈനിക ശേഷിയും ഇന്ധന സംഭരണശാലകളും തകർക്കാൻ സൗദി സഖ്യസേനയും ഇസ്രായേലും നിരന്തരം വ്യോമാക്രമണങ്ങൾ നടത്തുന്നുണ്ട് .  ഹോർമുസ് കടലിടുക്കിലൂടെയുള്ള അന്താരാഷ്ട്ര കപ്പൽ ചാനലുകൾ ഇറാൻ തടസ്സപ്പെടുത്താതിരിക്കാൻ അന്താരാഷ്ട്ര നാവികസേനകൾ ഈ മേഖലയിൽ സുരക്ഷാ കാവൽ ശക്തമാക്കിയിട്ടുണ്ട്

ഈ സമ്മർദ്ദങ്ങളെ പ്രതിരോധിക്കാൻ ഇറാൻ തങ്ങളുടെ ആണവനിലയങ്ങൾക്ക് ചുറ്റും കൂടുതൽ സുരക്ഷാ കോട്ടകൾ തീർക്കുകയും, റഷ്യ, ചൈന തുടങ്ങിയ രാജ്യങ്ങളിൽ നിന്ന് S-400 മിസൈൽ സംവിധാനങ്ങൾ ഉൾപ്പെടെയുള്ള ആധുനിക പ്രതിരോധ സാമഗ്രികൾ സ്വന്തമാക്കി വ്യോമാതിർത്തി കൂടുതൽ ശക്തമാക്കാൻ ശ്രമിക്കുകയും ചെയ്യുന്നുണ്ട്

മാസങ്ങൾ നീണ്ട കനത്ത ആക്രമണങ്ങൾക്കും സാമ്പത്തിക ഉപരോധങ്ങൾക്കും ഇറാന്റെ സൈനിക വീര്യത്തെ അടിച്ചമർത്താൻ കഴിഞ്ഞിട്ടില്ലെന്ന് ചുരുക്കം. യുഎസിന്റെയും ഇസ്രയേലിന്റെയും ആകാശ ആക്രമണങ്ങളിൽ നിന്ന് താൽക്കാലികമായി തിരിച്ചടി നേരിട്ടെങ്കിലും, തങ്ങളുടെ അടിത്തറ കാത്തുസൂക്ഷിക്കാനും ആയുധപ്പുരകൾ വീണ്ടും നിറയ്ക്കാനും ഇറാനു കഴിഞ്ഞിരിക്കുന്നു.

ഈ സംഘർഷത്തിനിടയിൽ യെമനിലെ ഹൂതികൾക്കെതിരായ പോരാട്ടത്തിൽ ഇസ്രായേൽ നൽകിയ സഹായം സൗദി അറേബ്യ നിരസിച്ചതായും റിപ്പോർട്ടുകളുണ്ട്. ഹൂതികളുടെ നിരന്തരമായ മിസൈൽ ആക്രമണങ്ങളെത്തുടർന്ന് സൗദി അറേബ്യയുടെ തലസ്ഥാനമായ റിയാദും കിങ് ഖാലിദ് അന്താരാഷ്ട്ര വിമാനത്താവളവും ലക്ഷ്യമിടപ്പെട്ടിരുന്നു. ഈ സാഹചര്യത്തിൽ സൗദിയെ സഹായിക്കാൻ തയ്യാറാണെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു അറിയിച്ചിരുന്നെങ്കിലും, സൗദി പൊതുജനങ്ങളിൽ നിന്നുണ്ടാകാനിടയുള്ള കടുത്ത എതിർപ്പും പ്രതിഷേധവും ഭയന്ന് കിരീടാവകാശി മുഹമ്മദ് ബിൻ സൽമാൻ ഈ സഹായം നിരസിക്കുകയായിരുന്നു. സൗദി തലസ്ഥാനത്ത് മിസൈൽ ആക്രമണങ്ങൾ തുടർച്ചയായതോടെ കിരീടാവകാശി കനത്ത സുരക്ഷയുള്ള ഭൂഗർഭ ബങ്കറുകളിലേക്ക് മാറിയതായും വാൾസ്ട്രീറ്റ് ജേണൽ റിപ്പോർട്ട് ചെയ്യുന്നു.

യെമനിലെ ഇറാന്റെ പിന്തുണയുള്ള ഹൂത്തി വിമതർ സൗദി അറേബ്യയിലെ അരാംകോ എണ്ണ ഉൽപാദന കേന്ദ്രങ്ങൾക്ക് നേരെയും വിമാനത്താവളങ്ങൾക്ക് നേരെയും മിസൈൽ-ഡ്രോൺ ആക്രമണങ്ങൾ ശക്തമാക്കിയിട്ടുണ്ട് .

യെമൻ പ്രസിഡന്റ് അബ്ദുറബ്ബു മൻസൂർ ഹാദിയെ ഹൂതികൾ പുറത്താക്കിയതിനെത്തുടർന്ന് 2015-ലാണ് സൗദി നേതൃത്വത്തിലുള്ള സഖ്യം യെമനിൽ സൈനിക ഇടപെടൽ ആരംഭിച്ചത്. ഇറാനിൽ നിന്നുള്ള പിന്തുണയോടെ മുന്നേറുന്ന ഹൂതികൾ കഴിഞ്ഞ മാസം യെമന്റെ ചെങ്കടൽ തീരവും തന്ത്രപ്രധാനമായ ചില ദ്വീപുകളും പിടിച്ചെടുത്തിരുന്നു. ബാബ് എൽ-മാൻഡെബ് കടലിടുക്കിലെ ഗതാഗതം തടസ്സപ്പെടുത്താൻ ഇവരുടെ ഈ മുന്നേറ്റത്തിന് സാധിച്ചാൽ, അത് ആഗോള ഇന്ധനവിതരണത്തെയും എണ്ണ വിലയെയും നാണ്യപ്പെരുപ്പത്തെയുമെല്ലാം സാരമായി ബാധിക്കുമെന്നാണ് വിലയിരുത്തപ്പെടുന്നത്. സൗദിയുടെ പ്രധാന എണ്ണ പൈപ്പ്ലൈനുകൾക്ക് നേരെ ഡ്രോൺ ആക്രമണങ്ങൾ ഉണ്ടായതോടെ ആഗോള വിപണിയിൽ എണ്ണവില ബാരലിന് 100 ഡോളറിനു മുകളിലേക്ക് കുതിച്ചുയർന്നിരുന്നു.

പശ്ചിമേഷ്യയിൽ ഇനിയൊരു പോരാട്ടമുണ്ടായാൽ അത് കേവലം ഒരു ആകാശ ആക്രമണത്തിൽ ഒതുങ്ങില്ലെന്നും, ഗൾഫ് മേഖലയെയും ആഗോള സാമ്പത്തിക രംഗത്തെയും ഒരുപോലെ പിടിച്ചുലയ്ക്കുന്ന ഭീകരമായ ഒന്നായി മാറാമെന്നും വ്യക്തമാണ്. അടുത്ത വാതിൽക്കൽ എത്തിനിൽക്കുന്ന ഈ യുദ്ധഭീതി ഒഴിവാക്കാൻ നയതന്ത്ര ശ്രമങ്ങൾക്ക് ഇനി എത്രത്തോളം സാധിക്കുമെന്നാണ് ലോകം ഉറ്റുനോക്കുന്നത്.