അജ്മാന്‍ ജിഎംസി ആശുപത്രിക്ക് സമീപം വ്യവസായ മേഖലാ ഒന്നില്‍ വന്‍ തീപിടുത്തം. പിവിസി പൈപ്പ് നിര്‍മ്മാണ കമ്പനിയിലാണ് തീപിടിത്തം ഉണ്ടായത്. തുടര്‍ന്ന് ഇതിന് സമീപത്തെ വെയര്‍ഹൌസുകളിലേക്കും, സ്വകാര്യ കുടിവെള്ള നിര്‍മ്മാണ കമ്പനിയിലേക്കും തീ പടര്‍ന്നു. അജ്മാന്‍,ഷാര്‍ജ എന്നിവിടങ്ങളിലെ അഗ്‌നിശമനാ വിഭാഗങ്ങള്‍ സ്ഥലത്തെത്തി തീ നിയന്ത്രണ വിധേയമാക്കാന്‍ പരിശ്രമിക്കുകയാണ്.
നിരവധി ആളുകളെ ഇവിടെ നിന്നും ഒഴിപ്പിച്ചിട്ടുണ്ട്. ഈ മേഖലയിലെ ഗതാഗതം വഴിതിരിച്ച് വിട്ടു. സിവില്‍ ഡിഫന്‍സിന്റെ കൂടുതല്‍ യൂണിറ്റുകളും സ്ഥലത്തെത്തി തീയണണക്കാനുള്ള ശ്രമം തുടരുകയാണ്.