മനുഷ്യക്കടത്തിനിരയാകുന്നവരെ സഹായിക്കാന് സ്മാര്ട്ട് ഫോണ് ആപ്ലിക്കേഷനുമായി ദുബൈ പൊലീസ്
മനുഷ്യക്കടത്തിന്റെ ഇരകളായി സഹായിക്കാന് ദുബൈ പൊലീസ് സ്മാര്ട്ട് ഫോണ് ആപ്ലിക്കേഷന് പുറത്തിറക്കി. ഇരകള്ക്ക് പൊലീസുമായി നേരിട്ട് ബന്ധപ്പെടാനും സഹായം ആവശ്യപ്പെടാനും കഴിയുന്ന വിധത്തിലാണ് ആപ്പ് സജ്ജീകരിച്ചിരിക്കുന്നത്. ദുബൈ പൊലീസിന്റെ മനുഷ്യക്കടത്ത് കുറ്റകൃത്യ നിരീക്ഷണ കേന്ദ്രമാണ് ആപ്പ് വികസിപ്പിച്ചെടുത്തത്.
രാജ്യാന്തര തലത്തില് മനുഷ്യക്കടത്ത് വര്ധിച്ചുവരുന്ന സാഹചര്യത്തിലാണ് ഇത്തരമൊരു സംവിധാനം അവതരിപ്പിക്കാന് തീരുമാനമെടുത്തതെന്ന് ജനറല് ഡിപ്പാര്ട്ട്മെന്റ് ഓഫ് ഹ്യൂമന്റൈറ്റ്സ് ഡയറക്ടര് ജനറല് ബ്രിഗേഡിയര് ഡോ. മുഹമ്മദ് മുര് പറഞ്ഞു. സഹായം ആവശ്യമുള്ളയാളുടെ വ്യക്തിഗത വിവരങ്ങളും ഐ.ഡി നമ്പറും ഇമെയില് വിലാസവും ആപ്പില് രേഖപ്പെടുത്തണം. പരാതി സമര്പ്പിച്ചുകഴിഞ്ഞാല് റഫറന്സ് നമ്പര് സഹിതം സന്ദേശം വരും. പരാതി പൊലീസിന് ലഭിച്ചുവെന്ന് ഇതിലൂടെ ഉറപ്പുവരുത്താം.
https://www.facebook.com/Malayalivartha
