നോ പാര്ക്കിങ് നിയമം ലംഘിക്കുന്നവര്ക്കെതിരെ കര്ശന നടപടിയുമായി പോലീസ്
മസ്കത്തില് നോ പാര്ക്കിങ് നിയമം ലംഘിക്കുന്നവര്ക്കെതിരെ പോലീസ് നടപടി കര്ശനമാക്കി. നോ പാര്ക്കിങ്ങിലോ മഞ്ഞവരയിലോ വാഹനം കുറച്ചുനേരത്തേക്കുപോലും നിര്ത്തിയിടരുതെന്ന് പൊലീസ് മുന്നറിയിപ്പ് നല്കി. വാഹനത്തിന് ഹസാര്ഡ് ലൈറ്റിട്ടാലും രക്ഷപ്പെടില്ല. അനധികൃത പാര്ക്കിങ് സമയത്ത് െ്രെഡവര് വാഹനത്തില് തന്നെ ഉണ്ടായിരുന്നാലും ശിക്ഷയില്നിന്ന് ഒഴിവാകില്ല. 'മഞ്ഞവരയിട്ട മേഖലകളില് വളരെ ചുരുങ്ങിയ സമയം വാഹനം പാര്ക്ക് ചെയ്താലും പിഴ ലഭിക്കും. ഡ്രൈവര് വാഹനത്തിലുണ്ടായാലും ഇത്തരം പാര്ക്കിങ് നിയമ വിരുദ്ധമാണെന്ന് റോയല് ഒമാന് പൊലീസ് അറിയിപ്പില് പറയുന്നു. 35 റിയാല് മുതല് 50 റിയാല് വരെയാണ് പിഴ ലഭിക്കുക.
അനധികൃത സര്വിസ് നടത്തുന്നവരെയും മദ്യപിച്ച് വാഹനമോടിക്കുന്നവര്ക്കെതിരെയും നടപടികള് ശക്തമാക്കിയിട്ടുണ്ട്. നേരത്തേ കുട്ടികളെ സ്കൂളിലത്തെിക്കുകയും തിരിച്ചുകൊണ്ടുവരുകയും ചെയ്ത് വരുമാനമുണ്ടാക്കുന്ന നിരവധി പേര് ഒമാനിലുണ്ടായിരുന്നു. നിരവധി മലയാളികളും ഈ മേഖലയിലുണ്ടായിരുന്നു. അധികൃതര് പരിശോധന ശക്തമാക്കുകയും കടുത്ത പിഴ ഈടാക്കുകയും ചെയ്തതോടെ നിരവധി പേര് ഈ മേഖലയില് നിന്ന് മാറി നില്ക്കുകയാണ്.
500 റിയാല് പിഴയും ഒരു വര്ഷം വരെ തടവും ലഭിക്കാവുന്ന കുറ്റമാണിത്. കുറ്റം ആവര്ത്തിച്ചാല് ഇത്തരക്കാരെ നാട്ടിലേക്ക് തിരിച്ചയക്കുകയും ചെയ്യും. നിരവധി അപകടങ്ങള്ക്ക് കാരണം മദ്യപിച്ച് വാഹനമോടിക്കുന്നതാണെന്ന് കണ്ടത്തെിയിരുന്നു. അപകടകരമായ രീതിയില് വാഹനം മറികടക്കുന്നവര്ക്കും സമാനമായ ശിക്ഷ തന്നെയാണ് ലഭിക്കുക. വാഹനം ഓടിക്കുമ്പോള് മൊബൈല് ഫോണ് ഉപയോഗിക്കുന്നവര് 300 റിയാല് പിഴയും ഒരു മാസം മുതല് രണ്ടുവര്ഷം വരെ തടവും അനുഭവിക്കേണ്ടിവരും. പൊതുനിരത്തുകളിലും തെരുവുകളിലും റേസിങ് നടത്തുന്നവരും മൂന്നുമാസം തടവും 300 റിയാല് പിഴയും ഒടുക്കേണ്ടിവരും. അധികൃതര് ശിക്ഷാ നടപടികള് ശക്തമാക്കിയതോടെ വാഹനാപകടങ്ങള് ഗണ്യമായി കുറഞ്ഞിട്ടുണ്ട്.
https://www.facebook.com/Malayalivartha
