അങ്കിളിന്റെ കുടുംബം പത്ത് വയസുകാരന്റെ സമയോചിതമായ ഇടപെടല്‍ കൊണ്ട് രക്ഷപ്പെട്ടു. അല്‍ ഐനിലാണ് സംഭവം. തന്റെ അങ്കിളിന്റെ വീട്ടില്‍ നിന്നും പുക ഉയരുന്നത് കണ്ട ഹമദ് ഒബൈദ് അല്‍ റാഷിദി എമര്‍ജന്‍സി നമ്പറുകള്‍ ഓര്‍ത്തെടുത്ത് വിളിക്കുകയും അഗ്‌നിശമന പ്രവര്‍ത്തകര്‍ സ്ഥലത്തെത്തി തീയണക്കുകയുമായിരുന്നു.

ബാലന്റെ ധൈര്യത്തേയും സ്വഭാവത്തെയും അല്‍ ഐന്‍ പോലീസ് അഭിനന്ദിക്കുകയുണ്ടായി. തനിക്ക് അടിയന്തിര കാര്യങ്ങള്‍ കൈകാര്യം ചെയ്യാന്‍ അറിയില്ലെന്നും സ്‌കൂളില്‍ അഗ്‌നിശമന പ്രവര്‍ത്തകര്‍ ക്ലാസെടുത്തതിന്റെ അടിസ്ഥാനത്തിലാണ് അവരെ വിളിച്ചതെന്നും വീട്ടില്‍ നിന്നും പുക ഉയരുന്നത് കണ്ടപ്പോള്‍ അവര്‍ പറഞ്ഞുതന്ന നമ്പറുകള്‍ മനസിലേക്ക് വന്നെന്നും ഹമദ് വ്യക്തമാക്കി.

ആളുകളുടെ ജീവന്‍ രക്ഷിച്ചതിന് ഹമദ് അഭിനന്ദനം അര്‍ഹിക്കുന്നതായി അല്‍ ഐന്‍ പോലീസിന്റെ ഡയറക്ടര്‍ ബ്രിഗേഡിയര്‍ ജനറല്‍ മുഹമ്മദ് സുഹൈല്‍ അല്‍ റാഷിദി വ്യക്തമാക്കി.