2017 ജികെക്‌സ് ടെക്‌നിക്കല്‍ ഷോയിൽ പറക്കുന്ന ബൈക്ക് പ്രദർശിപ്പിച്ചു ഏവരെയും അതിശയിപ്പിച്ചിരിക്കുകയാണ് ദുബായ് പൊലീസ്. ഹോവര്‍ സര്‍ഫര്‍ എന്ന റഷ്യന്‍ കമ്പനിയാണ് ഡ്രോണിന്റെ മാതൃകയില്‍ പ്രവര്‍ത്തിക്കുന്ന പറക്കും ബൈക്ക് നിർമിച്ചിരിക്കുന്നത്. സ്കോർപിയോൺ 3 എന്നാണ് ഈ മാന്ത്രിക ബൈക്കിനു നാമകരണം ചെയ്തിരിക്കുന്നത്. ഇതിനു ഒരാളെ വഹിച്ചുകൊണ്ട് 5 മീറ്റര്‍ വരെ ഉയരത്തില്‍ 25 മിനിറ്റു വരെ ഒറ്റ സ്റ്റെപ്പിൽ പറക്കാനാകും.

150 കിലോഗ്രാം ആണ് ബൈക്കിന്റെ ഭാരം. മണിക്കൂറിൽ 70 കിലോമീറ്റാണ് പരമാവധി വേഗം. ഇതിനു ബൈക്കിന് 300 കിലോഗ്രാം വരെ ഭാരം വഹിക്കാനാവും. ചാർജ് ചെയ്യാവുന്ന തരാം ബാറ്ററി ആണ് ഇതിൽ ഉപയോഗിച്ചിരിക്കുന്നത്. ഒരിക്കൽ ചാർജ് ചെയ്താൽ എട്ടുമണിക്കൂർ വരെ ചാർജ് നില്കും എന്നാണ് പറയുന്നത്.

സ്കോർപിയോൺ 3 യെ കൂടാതെ സൂപ്പര്‍കാറുകളും, ജെറ്റ്പാക്കുകളും വരെ ദുബായ് പൊലീസിന് സ്വന്തമായുണ്ട്. വളരെ അത്യാവശ്യമായ സാഹചര്യത്തിൽ പെട്ടന്ന് എത്തിപ്പെടാനാണ് ദുബായ് പൊലീസ് പറക്കും ബൈക്ക് ഉപയോഗിക്കുക. ഇതിൽ ഘടിപ്പിച്ചിട്ടുള്ള ക്യാമറയിൽ നിന്നും ദൃശ്യങ്ങൾ തൽസമയം പൊലീസ് കൺട്രോൾ‌ റൂമിലെത്തുകയും ചെയ്യും. പറക്കും ബൈക്കിനെ കൂടാതെ സ്മാര്‍ട്ട് ബൈക്ക്, ആളില്ലാത്ത പെട്രോളിങ് കാര്‍ തുടങ്ങിയവയും ദുബായ് പോലീസ് ജികെക്‌സ് ടെക്‌നിക്കല്‍ ഷോയിൽ പ്രദർശിപ്പിച്ചിട്ടുണ്ട്.