നാളെ മുതൽ ഗതാഗത നിയന്ത്രണം; അൽഖോർ റോഡ് ഒമ്പത് കിലോമീറ്റർ അടച്ചിടും
അൽഖോർ എക്സ്പ്രസ് വേ പദ്ധതിയുടെ ഭാഗമായി മൂന്ന് മേജർ ഇൻറർ ചേഞ്ച്കളുടെ നിർമാണവുമായി ബന്ധപ്പെട്ട് അൽഖോർ റോഡ് ഒമ്പത് കിലോമീറ്റർ അടച്ചിടും. ഒക്ടോബർ 13 മുതൽ 18 മാസത്തേക്കാണ് റോഡ് അടച്ചിടുന്നത്. രാജ്യത്തെ എക്സ്പ്രസ് വേ പദ്ധതികളിലെ പ്രധാനപ്പെട്ട പദ്ധതിയാണ് അൽഖോർ എക്സ്പ്രസ് വേ പദ്ധതി. സിമൈസിമ ഇൻറർ ചേഞ്ച് മുതൽ പദ്ധതിയുടെ അവസാനം വരെയുള്ള ഭാഗമാണ് അടച്ചിടുന്നത്.
ഒക്ടോബർ 13 മുതൽ 18 വരെ മാസങ്ങളിൽ ഗതാഗത നിയന്ത്രണം ഇങ്ങനെയാണ്. ശമാൽ റോഡ്, സിമൈസിമ റോഡ്, അൽഖോർ റോഡ് എന്നീ റോഡുകളിലൂടെ ആയിരിക്കും വാഹനങ്ങൾ പോകേണ്ടത്. അൽഖോർ റോഡിലൂടെ ദോഹയിലേക്ക് പോകുന്നവർ ശമാൽ റോഡിലൂടെ യാത്ര ചെയ്ത് ഉംഗർന് ഇൻറർചെയ്ഞ്ചിൽ നിന്നും എക്സിറ്റ് എടുത്ത് വീണ്ടും അൽഖോർ റോഡിൽ പ്രവേശിച്ച് ദോഹയിലേക്ക് പോകേണ്ടതാണ്. ഖർതിയ്യാത്, അൽ ഇബ്ബ് എന്നിവിടങ്ങളിലേക്കുള്ളവർ ഖർതിയ്യാത് ഇൻറർചെയ്ഞ്ചിൽ നിന്നും എക്സിറ്റ് എടുക്കേണ്ടതാണെന്നും അശ്ഗാൽ ആവശ്യപ്പെട്ടു.
https://www.facebook.com/Malayalivartha
