അമേരിക്കയും ചൈനയും തമ്മിലുള്ള വ്യാപാര യുദ്ധം കൂടുതൽ ശക്​തമാകുന്നു. ചൈനീസ്​ ഉൽപന്നങ്ങൾക്ക്​ മേൽ 276 ബില്യൺ ഡോളറി​ന്റെ തീരുവ ചുമത്താനൊരുങ്ങി ട്രംപ്.​ 200 ബില്യൺ ഡോളറി​ന്റെ തീരുവ ചുമത്താൻ അമേരിക്കൻ ഭരണകൂടം നേരത്തെ തീരുമാനിച്ചിരുന്നു ഇതിന്​ പുറമേയാണ്​ പുതിയ നീക്കം.

ചൈനക്കെതിരായ​ നടപടിയുമായി അമേരിക്ക മുന്നോട്ട്​ പോവുകയാണെങ്കിൽ അമേരിക്കൻ വിപണിയിൽ ആപ്പിളി​​ന്റെ ഉൽപന്നങ്ങൾക്ക്​ വില കൂട്ടേണ്ടി വരുമെന്നു കമ്പനി മുന്നറിയിപ്പ് നൽകിയിരുന്നു​. എന്നാൽ, കമ്പനികളുടെ സമർദ്ദത്തിന്​ വഴങ്ങില്ലെന്ന സൂചനയാണ്​ ട്രംപ്​ നൽകുന്നത്​.

ട്രംപി​ന്റെ പുതിയ തീരുമാനം പുറത്ത്​ വന്നതോടെ അമേരിക്കൻ ഒാഹരി വിപണി എസ്​പി 500 0.2 ശതമാന നഷ്​ടത്തോടെയാണ്​ വ്യാപാരം നടത്തുന്നത്​. കൂടാതെ ചൈനീസ്​ കറൻസിയായ യുവാ​​െൻറ ഡോളറിനെതിരായ വിനിമയ മൂല്യവും ഇടിഞ്ഞു.