ദക്ഷിണ-ഉത്തര കൊറിയൻ സമാധാന ചർച്ചകൾ പുരോഗമിക്കവേ ദക്ഷിണ കൊറിയൻ പ്രസിഡൻറ്​ മൂൺ.ജെ. ഇന്നിന്​ ഉത്തരകൊറിയൻ നേതാവ്​ കിം ജോങ്​ നായ്ക്കളെ സമ്മാനമായി നൽകിയതായി റിപ്പോർട്ടുകൾ. ഒരോ വയസ്സ്​ പ്രായമുള്ള ആണും പെണ്ണുമായി ​ ‘പു​ങ്​​​സാ​ങ്​’ ഇ​ന​ത്തി​ൽ​പെ​ട്ട രണ്ട് നായകളെയാണ് കിം നൽകിയത്.

പുങ്‌സാന്‍ ഉത്തരകൊറിയയില്‍ കണ്ടുവരുന്ന പ്രത്യേക തരം ശുനകവംശമാണ്. വേട്ടയാടലിനാണ് ഇവയെ പ്രധാനമായും ഉപയോഗിക്കുന്നത്. കടുവയെപ്പോലും വേട്ടയാടാന്‍ മിടുക്കുണ്ട് പുങ്‌സാന്. ഉത്തരകൊറിയ സമ്മാനിച്ച രണ്ട് പുങ്‌സാന്‍ നായ്ക്കളും ദക്ഷിണകൊറിയയിലെ പ്രഥമ നായ ടോറിയുടെ കൂടെയാണ് കഴിയുക. വെ​ളു​ത്ത നി​റ​ത്തി​ലു​ള്ള​തും ഉ​യ​ർ​ന്നു​നി​ൽ​ക്കു​ന്ന ചെ​വി​യോ​ടു കൂ​ടി​യ​തു​മാ​യ ഇൗ ​ത​ദ്ദേ​ശീ​യ നാ​യ്​ ഉ​ത്ത​ര ​കൊ​റി​യ​യു​ടെ ‘ദേ​ശീ​യ സ​മ്പ​ത്തി’​ൽ പെ​ട്ട​വ​യാണെന്നും റിപ്പോർട്ടുകളുണ്ട്.

കഴിഞ്ഞ സപ്തംബറില്‍ ഉത്തരകൊറിയയില്‍ വച്ച്‌ മൂണ്‍ ജെ ഇന്നും കിം ജോങ് ഉന്നും കൂടിക്കാഴ്ച നടത്തിയിരുന്നു. ഈവര്‍ഷം ഇരുവരുടെയും മൂന്നാമത്തെ കൂടിക്കാഴ്ചയായിരുന്നു ഇത്. ഇ​രു രാ​ജ്യ​ങ്ങ​ൾ​ക്കു​മി​ട​യി​ലെ ‘പാ​ൻ​മു​ൻ​ചോം’ ഗ്രാ​മ​ത്തി​ലൂ​ടെ​യാ​യി​രു​ന്നു നാ​യ്​​ക്ക​ളെ കൈ​മാ​റി​യ​ത്.

ദീ​ർ​ഘ​നാ​ള​ത്തെ ശ​ത്രു​ത​യു​ടെ മ​ഞ്ഞു​രു​ക്ക​ത്തി​ന്റെ ഭാ​ഗ​മാ​യാ​ണ്​ ഇൗ ​സ​മ്മാ​ന കൈ​മാ​റ്റ​ത്തെ നി​രീ​ക്ഷ​ക​ർ വി​ല​യി​രു​ത്തു​ന്ന​ത്. ​ഇൗ മാസം 18 മുതൽ 20 വരെ ഇരു കൊറിയകളും തമ്മിൽ നടന്ന പ്യോങ്​യാങ്​ ഉച്ച​കോടിയുടെ അടയാളപ്പെടുത്തലായാണ്​ കിമ്മി​​ന്റെ ഉപഹാരം.

അതേസമയം ആദ്യമായല്ല ഒരു യോഗത്തി​​ന്റെ ഒാർമ്മക്കായി ഉത്തരവകൊറിയ ദക്ഷിണ കൊറിയക്ക്​ നായക്കുട്ടികളെ സമ്മാനിക്കുന്നത്​. 2000 ത്തിലെ പ്യോങ്​യാങ്​ ഉച്ചകോടിക്ക്​ ശേഷം മുൻ ദക്ഷിണ​ കൊറിയൻ പ്രസിഡൻറ്​ കിം ഡി ജുങിന്​ കിം ജോങ്​ ഉന്നി​​ന്റെ പിതാവും ഉത്തരകൊറിയയുടെ മുൻ നേതാവുമായിരുന്ന കിം ജോങ്​ ഇൽ ഒരു ജോഡി നായക്കുട്ടികളെ ഉപഹാരമായി നൽകിയിരുന്നു.