ബാങ്കുകളില് നിന്ന് താന് ഒരു രൂപ പോലും വായ്പയെടുത്തിട്ടില്ല ;മദ്യ വ്യവസായി വിജയ് മല്യ
ബാങ്കുകളില് നിന്ന് താന് ഒരു രൂപ പോലും വായ്പയെടുത്തിട്ടില്ലെന്ന് രാജ്യത്തെ ബാങ്കുകളെ പറ്റിച്ച് വിദേശത്തേക്ക് കടന്നു കളഞ്ഞ മദ്യ വ്യവസായി വിജയ് മല്യ. കടം വാങ്ങിയത് കിംഗ് ഫിഷര് എയര്ലൈന്സ് ആണ്. വ്യാവസായിക തകര്ച്ചയെ തുടര്ന്ന് ആ പണം നഷ്ടമാവുകയായിരുന്നു- മല്യ ട്വീറ്റ് ചെയ്തു.
കഴിഞ്ഞ ദിവസമാണ് വാ യ്പയെടുത്ത മുഴുവന് തുകയും താൻ തിരിച്ചെത്തിക്കുമെന്ന് മല്യ ട്വീറ്റ് ചെയ്തത് . അതിന് പിന്നാലെയാണ് പണം വയ്പയെടുത്തിട്ടില്ലെന്ന അവകാശവാദവുമായി മല്യ രംഗത്തെത്തിയിരിക്കുന്നത്.
നൂറ് ശതമാനം പണവും തിരിച്ച് നല്കാമെന്നും പണം ദയവായി സ്വീകരിക്കൂ എന്നുമാണ് മല്യ ട്വീറ്റ് ചെയ്തത്. ‘എടിഎഫ് (ഏവിയേഷന് ടര്ബൈന് ഫ്യൂവല്)ന്റെ വില കുത്തനെ കൂടിയതോടെയാണ് കിംഗ് ഫിഷര് എയര്ലൈന്സ് കമ്പനി കനത്ത നഷ്ടത്തിലായത്. അതുകൊണ്ടാണ് ബാങ്കില് നിന്നെടുത്ത പണം നഷ്ടമായത്. 100 ശതമാനം പണവും അവര്ക്ക് തിരിച്ച് നല്കാം. ദയവായി സ്വീകരിക്കൂ’ എന്നായിരുന്നു മല്യയുടെ കഴിഞ്ഞ ദിവസത്തെ ട്വീറ്റ്.
ബാങ്കുകളില് നിന്നെടുത്ത പണം തിരിച്ചടയ്ക്കാതെ താന് നാടുവിട്ടുവെന്നാണ്ഇന്ത്യന് മാധ്യമങ്ങളും രാഷ്ട്രീയ പ്രവര്ത്തകരും പറയുന്നത്. എന്നാല് ഇത് കള്ളമാണ്. എന്തുകൊണ്ടാണ് കര്ണാടക ഹൈക്കോടതിയ്ക്ക് മുന്നിലുള്ള തന്റെ ഒത്തുതീര്പ്പ് വാഗ്ദാനം ആരും ശ്രദ്ധിക്കാത്തതെന്നും മല്യ ചോദിച്ചു.
https://www.facebook.com/Malayalivartha