ഇബി 5 വിസാ സേവനങ്ങളുടെ കാലാവധി ദീർഘിപ്പിച്ചു
അമേരിക്കയിൽ വിദേശ നിക്ഷേപകര്ക്ക് ഗ്രീന്കാര്ഡ് നല്കുന്ന ഇബി 5 വിസാ സേവനങ്ങളുടെ കാലാവധി ഉയർത്തിയതായി റിപ്പോർട്ടുകൾ. സേവനങ്ങളുടെ കാലാവധി ഡിസംബര് 21 വരെയാണ് അധികൃതർ ദീർഘിപ്പിച്ചിരിക്കുന്നത്.
അതേ സമയം ഗ്രീന് കാര്ഡിനായി അപേക്ഷ നല്കി കാത്തിരിക്കുന്നവര്ക്ക് 2019 ഓടെ മൂന്നു മുതല് ഏഴുവര്ഷം വരെ വിസ കാലാവധി ദീര്ഘിപ്പിക്കാം. യുഎസില് ഗ്രീന് കാര്ഡു ലഭിക്കുന്നതിനുള്ള വെയിറ്റിംഗ് പിരീഡ് ക്രമാനുഗതമായി ഉയരുന്നുണ്ടെന്ന് എവിജി അമേരിക്ക ഇന്വെസ്റ്റ്മെന്റ് (സൗത്ത് ഏഷ്യആന്റ് മിഡില് ഈസ്റ്റ്) മാനേജിംഗ് ഡയറക്ടര് ആശിഷ് സറാഫ് പറഞ്ഞു.
2019 മുതല് ഗ്രീന് കാര്ഡിന് അപേക്ഷ നല്കുന്നവര്ക്ക് ഏഴുവര്ഷം വരെ വെയിറ്റിംഗ് പിരീഡ് ലഭിക്കുന്നതിനാല് നിക്ഷേപകര്ക്ക് ഭാവി പദ്ധതികള് ആസൂത്രണം ചെയ്യുന്നതിന് ആവശ്യമായ സമയം ലഭിക്കുമെന്നും അദ്ദേഹം പറഞ്ഞു.
ഇബി 5 വിസാ സേവനങ്ങള് ഉള്പ്പെട്ടെ ഉപഭോക്താക്കള്ക്ക് ഒട്ടേറെ സാമ്പത്തിക സേവനങ്ങള് നല്കുന്ന കമ്പനിയാണ് എ.വി.ജി.അമേരിക്കന് ഇന്വെസ്റ്റ്മെന്റ്. ഇന്ത്യന് അമേരിക്കന് വേരുകളുള്ള ശലഭ്കുമാറും കുടുംബവുമാണ് കമ്പനിയുടെ ഉടമസ്ഥര്. ശലഭകുമാറിന്റെ മകനായ ആദിത്യകുമാറാണ് എവിജി അമേരിക്ക ഇന്വെസ്റ്റ്മെന്റിന്റെ സ്ഥാപകനും സിഇഒയും.
https://www.facebook.com/Malayalivartha
