പാപുവ ന്യൂ ഗിനിയയില് ശക്തമായ ഭൂചലനം, റിക്ടര് സ്കെയിലില് 5.7 രേഖപ്പെടുത്തി
പാപുവ ന്യൂ ഗിനിയയില് ശക്തമായ ഭൂചലനം. റിക്ടര് സ്കെയിലില് 5.7 രേഖപ്പെടുത്തിയ ശക്തമായ ഭൂചലനമാണ് അനുഭവപ്പെട്ടത്. വ്യാഴാഴ്ച പുലര്ച്ചെയായിരുന്നു ഭൂചലനം. പാപുവ ന്യൂ ഗിനിയയില്നിന്നും വേര്പ്പെട്ട ദ്വീപായ ന്യൂ ബ്രിട്ടന് റീജിയണിലാണ് ഭൂകമ്പം അനുഭവപ്പെട്ടത്. ആളപായമോ നാശനഷ്ടങ്ങളോ റിപ്പോര്ട്ട് ചെയ്തിട്ടില്ല. തുടര് ചലനങ്ങളും ഉണ്ടായിട്ടില്ലെന്നാണ് വിവരം. സുനാമി മുന്നറിയിപ്പില്ല. നേരത്തെ ചിലിയിലും ശക്തമായ ഭൂചലനമുണ്ടായിരുന്നു.
റിക്ടര്സ്കെയിലില് 6.2 തീവ്രത രേഖപ്പെടുത്തിയ ഭൂചലനമാണ് ചിലിയിലെ ഈസ്റ്റര് ദ്വീപ് പ്രദേശ ത്തുണ്ടായത്. രാജ്യത്തെ മറ്റ് ചിലയിടങ്ങളിലും ഭൂചലനമുണ്ടായെന്നാണ് വിവരം സംഭവത്തില് ആളപായമോ നാശനഷ്ടമോ രേഖപ്പെടുത്തപ്പെട്ടിട്ടില്ല. സുനാമി മുന്നറിയിപ്പും നല്കിയിട്ടില്ല.
"
https://www.facebook.com/Malayalivartha