റഷ്യന്‍ പ്രസിഡന്റ് വ്ലാഡിമിര്‍ പുടിന്‍ വീണ്ടും വിവാഹതിനാകുന്നതായി  റിപ്പോർട്ട്.മോസ്ക്കോയില്‍ വാര്‍ഷിക വാര്‍ത്താ സമ്മേളനത്തിനിടെ പുടിന്‍ തന്നെയാണ് ഇക്കാര്യം വെളിപ്പെടുത്തിയത്. 66 കാരനായ പുടിന്‍ 35 കാരിയായ മുന്‍ ജിംനാസ്റ്റിക്സ് താരം അലീന കബേവയെയാണ് വിവാഹം കഴിക്കാന്‍ ഒരുങ്ങുന്നത്.1983ൽ എയര്‍ ഹോസ്റ്റസായിരുന്ന ല്യൂഡ്മില്ല പുടിനയെ വിവാഹം കഴിച്ച പുടിൻ 2013ൽ വിവാഹമോചനം നേടി.

നീണ്ട 30 വർഷത്തെ ദാമ്പത്യത്തിനൊടുവിലാണ് ഇരുവരും വേര്‍പിരിഞ്ഞത്. വിവാഹ ശേഷം ല്യൂഡ്മില ജോലി ചെയ്യണമെന്ന് പുടിന്‍ ആ​ഗ്ര​ഹിച്ചിരുന്നില്ല. പ്രഥമ വനിതയെന്ന സ്ഥാനം ല്യുഡ്മിലയും ആ​ഗ്രഹിച്ചിരുന്നില്ല. ഇതോടെ ഇരുവരുടെയും ബന്ധത്തില്‍ ഉലച്ചിലുകൾ സംഭവിക്കാൻ തുടങ്ങി . ഇതിന് പുറമേ പുടിന്റെ ജോലിയോടുള്ള അമിത താത്പര്യവും ഇരുവരുടെയും വേര്‍പിരിയലിലേക്ക് നയിച്ചു.

തുടർന്നിപ്പോൾ വിവാഹം ചെയ്യാനൊരുങ്ങുന്ന അലീന കബേവ ജിംനാസ്റ്റിക്സില്‍ ഒളിംപിക് സ്വര്‍ണ ജേത്രി കൂടിയാണ്. ഉസ്ബെക്കിസ്ഥാനിലാണ് അലീന ജനിച്ചത്. ഇരുവരും പത്ത് വര്‍ഷത്തോളമായി പ്രണയത്തിലാണെന്നാണ് റിപ്പോർട്ട്.