ഇനി മുതൽ ഖുറാന്‍ വചനങ്ങള്‍ പ്രിന്റ് ചെയ്ത ഉത്പന്നങ്ങൾ വിൽക്കില്ലെന്ന് ആമസോൺ. ഖുറാന്‍ വചനങ്ങള്‍ പ്രിന്റ് ചെയ്ത ഉത്പന്നങ്ങള്‍ വില്‍ക്കുന്നത് നിര്‍ത്തലാക്കിയെന്ന് ആമസോൺ അറിയിച്ചു. ഖുറാന്‍ വചനങ്ങള്‍ എഴുതിയ ഡോര്‍ മാറ്റ്, ബാത്ത് മാറ്റ് തുടങ്ങിയ ഉത്പന്നങ്ങളാണ് ആമസോണ്‍ നിര്‍ത്തലാക്കുന്നതെനന്ന് മാധ്യമങ്ങൾ റിപ്പോർട്ട് ചെയ്യുന്നു.

മതവിശ്വാസികളുടെ വികാരം വ്രണപ്പെടുന്നെന്ന് കാണിച്ച് ലഭിച്ച പരാതികളുടെ അടിസ്ഥാനത്തിലാണ് ആമസോണിന്റെ നടപടി. മുസ്ലിം ഉപദേശക സംഘടനയായ അമേരിക്കന്‍ - ഇസ്ലാമിക് റിലേഷന്‍സ് (സിഎഐആര്‍) ആണ് ആദ്യമായി ആമസോണിന് പരാതി നല്‍കിയത്. സമുദായത്തിലെ അംഗങ്ങളില്‍ നിന്ന് ഉൽപ്പന്നങ്ങളെ കുറിച്ച് ലഭിച്ച പരാതികളെ തുടര്‍ന്നാണ് ആമസോണുമായി ബന്ധപ്പെട്ടതെന്ന് സിഎഐആര്‍ പുറത്തിറക്കിയ പത്രക്കുറിപ്പില്‍ വ്യക്തമാക്കി.

ഉത്പന്നങ്ങള്‍ വില്‍ക്കുന്നത് സംബന്ധിച്ച് പുറത്തിറക്കിയ ഗൈഡ് ലൈന്‍സ് ഓരോ വില്‍പനക്കാരനും പിന്‍തുടരണമെന്നും, ഇതിനെതിരെ പ്രവര്‍ത്തിക്കുന്നവരുടെ അക്കൗണ്ടുകള്‍ നീക്കം ചെയ്യുമെന്നും ആമസോണ്‍ ഇറക്കിയ പത്രക്കുറിപ്പില്‍ പറഞ്ഞു. സംശയാസ്പദമായ ഉല്‍പന്നങ്ങള്‍ ഞങ്ങളുടെ സ്റ്റോറില്‍ നിന്ന് നീക്കംചെയ്യുമെന്നും ആമസോണ്‍ അറിയിച്ചു.

ആമസോണില്‍ വില്‍ക്കുന്ന ഇത്തരം നിന്ദ്യമായ ഉത്പന്നങ്ങളുടെ പട്ടിക തയ്യാറാക്കുകയാണ് സിഎഐആര്‍. ഉത്പന്നങ്ങളില്‍ ഇസ്ലാമിക് കലിഗ്രാഫിയിലാണ് എഴുതിയിരിക്കുന്നത്.

പ്രവാചകനായ മുഹമ്മദ്, ഖുറാനിലെ വചനങ്ങള്‍ എന്നിവയെക്കുറിച്ചാണ് ഉത്പന്നങ്ങളില്‍ പ്രധാനമായും എഴുതിയിരിക്കുന്നത്. യുനെസ്‌കോയുടെ ലോക പൈതൃക പട്ടികയില്‍ ഇടം പിടിച്ച സ്‌പെയിനിലെ അല്‍ ഹംബ്ര കൊട്ടാരത്തിന്റെ ചിത്രങ്ങള്‍ പ്രിന്റ് ചെയ്ത ടോയ്‌ലറ്റ് സീറ്റ് കവര്‍ അടക്കമുള്ള ഉത്പന്നങ്ങള്‍ ആമസോണില്‍ വില്‍ക്കുന്നതായും സിഎഐആര്‍ ചൂണ്ടിക്കാട്ടി.

അതേസമയം ഉത്പന്നങ്ങൾ വിൽക്കുന്നത് സംബന്ധിച്ച് പുറത്തിറക്കിയ ​ഗൈഡ് ലൈൻസ് ഓരോ വിൽപനക്കാരനും പിൻതുടരണമെന്നും, ഇതിനെതിരെ പ്രവർത്തിക്കുന്നവരുടെ അകൗണ്ടുകൾ നീക്കം ചെയ്യുമെന്നും ആമസോൺ ഇറക്കിയ പത്രക്കുറിപ്പിൽ പറഞ്ഞു. സംശയാസ്പദമായ ഉൽപന്നങ്ങൾ ഞങ്ങളുടെ സ്റ്റോറിൽ നിന്ന് നീക്കംചെയ്യുന്നുമെന്നും ആമസോൺ അറിയിച്ചു.