ഇറ്റലിയിൽ 51 വിദ്യാര്‍ത്ഥികൾ സഞ്ചരിച്ചിരുന്ന സ്കൂൾ ബസിനെ തീയിട്ട് ഡ്രൈവർ . തീ പടർന്നു പിടിക്കുന്നതിനു മുൻപ് ഫയർ ഫോസ്‌സെത്തി തീയണച്ചതിനാൽ വൻ അപകടം ഒഴിവായതായി അധികൃതർ വ്യക്തമാക്കി. സെനഗലിൽ നിന്ന് കുടിയേറി ഇറ്റാലിയൻ പൗരത്വമെടുത്ത 45 കാരനായ ഡ്രൈവറാണ് സംഭവത്തിന് പിന്നിലെന്ന് ഇറ്റാലിയന്‍ പൊലീസ് പറഞ്ഞു. അതേസമയം, ബസിന് തീയിടും മുമ്പ് ഇയാള്‍ ചില കുട്ടികളെ ബസിനുള്ളില്‍ കെട്ടിയിട്ടിരുന്നു.

ഏതാനും കുട്ടികൾക്ക് ശ്വാസ തടസ്സം അനുഭവപ്പെട്ടെങ്കിലും കാര്യമായ പരിക്കുകളില്ല. ഇറ്റലിയുടെ അഭയാര്‍ത്ഥിനയത്തിൽ പ്രതിഷേധിച്ചാണ് ഡ്രൈവര്‍ ബസിന് തീകൊളുത്തിയതെന്നാണ് നിഗമനം. ബസിലുണ്ടായിരുന്ന കുട്ടികളിലൊരാൾ മാതാപിതാക്കളെ വിവരമറിയച്ചതോടെയാണ് പൊലീസ് ഉടൻ സംഭവസ്ഥലത്തെത്തിയത്.