ബ്രസീലില് അക്രമികള് ബാറില് നടത്തിയ വെടിവയ്പില് സ്ത്രീകളുള്പ്പെടെ 11 പേര് കൊല്ലപ്പെട്ടു, മുഖംമൂടി ധരിച്ച് ബൈക്കിലും കാറിലുമെത്തിയ സംഘമാണ് ആക്രമണം നടത്തിയതെന്ന് പോലീസ്
ബ്രസീലില് അക്രമികള് ബാറില് നടത്തിയ വെടിവയ്പില് 11 പേര് കൊല്ലപ്പെട്ടു. ഞായറാഴ്ച ബ്രസീലിന്റെ വടക്കന് നഗരമായ ബലീമിലായിരുന്നു സംഭവം. ആറ് സ്ത്രീകളും അഞ്ച് പുരുഷന്മാരുമാണ് കൊല്ലപ്പെട്ടത്. ബാറിന്റെ ഉടമയും കൊല്ലപ്പെട്ടു. വെടിവയ്പിനുണ്ടായ കാരണം ഇതുവരെ വ്യക്തമല്ല.
മുഖംമൂടി ധരിച്ച് ബൈക്കിലും കാറിലുമെത്തിയ ഏഴു പേരാണ് ആക്രമണം നടത്തിയതെന്ന് പോലീസ് പറയുന്നു. അക്രമികള് വെടിവയ്പിനു ശേഷം കടന്നുകളഞ്ഞു. ആക്രമണത്തില് നിരവധി പേര്ക്ക് പരിക്കേല്ക്കുകയും ചെയ്തു.
https://www.facebook.com/Malayalivartha