ജപ്പാനിലെ ടോക്കിയോയില്‍ കത്തിയാക്രമണം. ചൊവ്വാഴ്ചയുണ്ടായ ആക്രമണത്തില്‍ മൂന്നുമരണം. ഇതില്‍ ഒരു കുട്ടിയും ഉള്‍പ്പെടുന്നതായി സൂചനയുണ്ട്. ആക്രമണത്തില്‍ 19 പേര്‍ക്കു പരിക്കേറ്റു. ഇവരില്‍ 13 പേര്‍ കുട്ടികളാണ്. എന്നാല്‍ സര്‍ക്കാര്‍ വൃത്തങ്ങള്‍ ഇത് ഔദ്യോഗികമായി സ്ഥിരീകരിച്ചിട്ടില്ല. ടോക്കിയോയില്‍നിന്ന് 21 കിലോമീറ്റര്‍ അകലെ കാവാസാക്കിയില്‍ ബസ് കാത്തുനിന്നവര്‍ക്കു നേരെയാണ് ആക്രമണമുണ്ടായത്.

കത്തിയുമായി എത്തിയ അക്രമി ആള്‍ക്കാരെ തലങ്ങും വിലങ്ങും കുത്തുകയായിരുന്നു. അക്രമിയെ പിടികൂടി. ആക്രമണത്തിന്റെ കാരണം സംബന്ധിച്ച് ഇതേവരെ സൂചന ലഭിച്ചിട്ടില്ല.