യു.എസ്. വിസയ്ക്ക് ഇനി സോഷ്യൽ മീഡിയ ചരിത്രം കൂടി പരിശോധിക്കും; ഇമെയില് വിലാസത്തോടും ഫോണ് നമ്ബറിനുമൊപ്പം 5 വര്ഷത്തെ സോഷ്യല് മീഡിയ വിവരങ്ങളും സമര്പ്പിക്കണം
അമേരിക്കന് ഐക്യനാടുകളിലേക്കുള്ള എല്ലാ വിസ അപേക്ഷകരും വിസ ലഭിക്കാനായി ഇമെയില് വിലാസത്തോടും ഫോണ് നമ്ബറിനുമൊപ്പം 5 വര്ഷത്തെ സോഷ്യല് മീഡിയ വിവരങ്ങളും സമര്പ്പിക്കണം. സ്റ്റേറ്റ് ഡിപ്പാര്ട്ട്മെന്റിന്റെ പുതിയ നിയമത്തിലാണ് ഇത് അനുശാസിക്കുന്നത്.
യുഎസ് പൗരന്മാരെ സംരക്ഷിക്കുന്നതിന്റെ ഭാഗമായാണ് ഇത്തരം മാറ്റങ്ങളെന്നും ഇതിനായി അമേരിക്കയില് നിരന്തരം പരിശോധന നടത്തേണ്ടി വരുമെന്നും ഉദ്യോഗസ്ഥര് പറയുന്നു. നേരത്തെ, വിവിധ ഭീകര സംഘടനകള് പ്രവര്ത്തിക്കുന്ന രാജ്യത്തെ ആളുകള് മാത്രമേ അവരുടെ വിവരങ്ങള് കൈമാറേണ്ടതുണ്ടായിരുന്നുള്ളൂ. എന്നാല് പുതിയ നിയമം അനുസരിച്ച് എല്ലാ യു.എസ് വിസ അപേക്ഷകരും തങ്ങളുടെ സോഷ്യല് മീഡിയ വിശദാംശങ്ങള് സമര്പ്പിക്കേണ്ടതുണ്ട്.
സോഷ്യല് മീഡിയ ഉപയോഗം സംബന്ധിച്ച തെറ്റായ വിവരം നല്കുന്നവര് ഗുരുതരമായ പ്രത്യാഘാതം നേരിടേണ്ടി വരുമെന്ന് ഉദ്യോഗസ്ഥന് പറഞ്ഞു. 2018 മാര്ച്ചിലാണ് ഡൊണാള്ഡ് ട്രംപിന്റെ നേതൃത്വത്തിലുള്ള ഭരണകൂടം ആദ്യമായി ഇത്തരമൊരു നിയമം നിര്ദ്ദേശിക്കുന്നത്.
https://www.facebook.com/Malayalivartha