കഞ്ചാവിനെ കുറിച്ച് പഠിപ്പിക്കുന്ന സര്‍വകലാശാല ഒരുങ്ങുന്നു, 407 ഏക്കറില്‍ മൈക്ക് ടൈസണ്-ന്റെ പുതിയ ബിസിനസ്സ്
വിവാദങ്ങളില്‍ പലപ്പോഴും ഉയര്‍ന്നുകേട്ട പേരാണ് മുന്‍ അമേരിക്കന്‍ പ്രൊഫഷനല്‍ ബോക്സര്‍ മൈക്ക് ടൈസന്റേത്. താരത്തിന്റെ പുതിയ സ്വപ്നവും വലിയ ചര്‍ച്ചയാവുകയാണ്. കഞ്ചാവിനായി ഒരു സര്‍വകലാശാല; ഇതാണ് അദ്ദേഹത്തിന്റെ പുതിയ ആശയം.
2016-ല്‍ അദ്ദേഹം സ്ഥാപിച്ച ടൈസണ് ഹോളിസ്റ്റിക് ഹോള്‍ഡിങ്സിന്റെ കീഴില്‍ 407 ഏക്കര്‍ സ്ഥലത്ത് ഒരു കഞ്ചാവ് റിസോര്‍ട്ട് അദ്ദേഹം ഉടന്‍ ആരംഭിക്കുമെന്നാണ് സൂചന. ഇതിനായുള്ള ഒരുക്കങ്ങള്‍ അവസാനഘട്ടത്തിലാണ്.
കഞ്ചാവു ചെടിയുടെ ഗുണങ്ങള്‍, ചെടിയുടെ പരിചരണം, എങ്ങനെ വളര്‍ത്തണം എന്നിങ്ങനെയുള്ള സകലവശങ്ങളും സര്‍വകലാശാലയില്‍ പഠിപ്പിക്കും. കൃഷിയുമായി ബന്ധപ്പെട്ട വിവിധ റിസര്‍ച്ചുകള്‍ക്കും യൂണിവേഴ്സിറ്റി ഉപയോഗിക്കുമെന്നും ടൈസണ് വ്യക്തമാക്കുന്നു.
കാലിഫോര്‍ണിയയില്‍, ഡെസേര്‍ട്ട് ഹോട്ട് സ്പ്രിങ്സ് എന്ന പ്രദേശത്ത് കഞ്ചാവ് റിസോര്‍ട്ടിന്റെ ജോലികള്‍ 2017-ല്‍ തന്നെ ആരംഭിച്ചിരുന്നു. നിയമപ്രകാരം റിസോര്‍ട്ടില്‍ എവിടെയും കഞ്ചാവ് ഉപയോഗിക്കാം. എന്നാല്‍ ആവശ്യക്കാര്‍ക്ക് പുറത്തേക്ക് വാങ്ങിക്കൊണ്ടു പോവാന്‍ അനുവാദമില്ല.
https://www.facebook.com/Malayalivartha
