ബിക്കിനിയും അടിയുടുപ്പും ധരിച്ച് ഫേസ്ബുക്കിൽ പോസ്റ്റിട്ട യുവഡോക്ടറുടെ മെഡിക്കല് ലൈസന്സ് റദ്ദാക്കി മ്യാന്മര് സര്ക്കാർ
മെഡിക്കല് ലൈസന്സ് റദ്ദാക്കിയ സര്ക്കാരിനെതിരെ നിയമ പോരാട്ടത്തിനൊരുങ്ങി യുവഡോക്ടര്. ഫോട്ടോ ഫെയ്സ്ബുക്കില് പോസ്റ്റ് ചെയ്തതിന്റെ പേരിലാണ് മ്യാന്മര് സര്ക്കാർ മോഡല് കൂടിയായ നാങ് മ്യൂ സാനിന്റെ മെഡിക്കല് ലൈസന്സ് റദ്ദാക്കിയത്. ഇതിനെതിരെയാണ് 29കാരി കോടതിയില് എത്തുന്നത്
ജോലിയില് നിന്ന് വിലക്കിക്കൊണ്ട് ജൂണ് 3നാണ് നാങ് മ്യൂ സാനിന് മെഡിക്കല് കൗണ്സില് നോട്ടീസ് നല്കിയത്. നാങിന്റെ വസ്ത്രധാരണ രീതി മ്യാന്മറിന്റെ സംസ്കാരത്തിനും പാരമ്ബര്യത്തിനും യോജിച്ചതല്ല എന്ന് ചൂണ്ടിക്കാട്ടിയായിരുന്നു അധികൃതരുടെ നടപടി. ബിക്കിനിയോ അടിയുടുപ്പുകളോ ധരിച്ച ചിത്രങ്ങള് നാങ് സ്ഥിരമായി ഫെയ്സ്ബുക്കില് പോസ്റ്റ് ചെയ്തിരുന്നു. ഇവ പിന്വലിക്കണമെന്ന് ജനുവരിയില് നാങിനോട് മെഡിക്കല് കൗണ്സില് ആവശ്യപ്പെട്ടിരുന്നു. അതിന് നാങ് തയ്യാറാവാത്തതിനെത്തുടര്ന്നാണ് മെഡിക്കല് ലൈസന്സ് റദ്ദാക്കിയത്.
ആശുപത്രിയില് ജനറല് പ്രാക്ടീഷനറായി അഞ്ച് വര്ഷം ജോലി ചെയ്തശേഷമാണ് നാങ് മോഡലിംഗ് രംഗത്തേക്കെത്തിയത്. മെഡിക്കല് രംഗത്തുള്ളവര് ഏതെങ്കിലും തരത്തിലുള്ള വസ്ത്രങ്ങള് ധരിക്കരുതെന്ന് നിയമമുണ്ടോ എന്നാണ് നാങിന്റെ ചോദ്യം.വ്യക്തിസ്വാതന്ത്ര്യത്തില് ഇടപെടുന്ന മെഡിക്കല് കൗണ്സിലിന്റെയും സര്ക്കാരിന്റെയും നടപടി അംഗീകരിക്കാനാവില്ലെന്ന നിലപാടിലാണ് നാങ്.
https://www.facebook.com/Malayalivartha