അമേരിക്കയിലെ കാലിഫോര്‍ണിയ സ്വദേശിയായ ജോര്‍ദാന്‍ ലിന്‍ഡ്സി എന്ന 21 കാരി സ്രാവുകളുടെ ആക്രമണത്തിൽ കൊല്ലപ്പെട്ടു. റോസ് ദ്വീപിന് സമീപം കടലിൽ സ്നോര്‍ക്കലിംഗ് ചെയ്യുന്നതിനിടെയാണ് പെൺകുട്ടി സ്രാവുകളുടെ ആക്രമണത്തിന് ഇരയായത്.

ബുധനാഴ്ച്ച ബന്ധുക്കൾക്കൊപ്പം എത്തിയ യുവതി മുന്നറിയിപ്പുകളെ അവഗണിച്ചാണ് കടലിലേക്ക് നീന്താൻ ഇറങ്ങിയത്. ഒന്നിലധികം സ്രാവുകൾ കൂട്ടത്തോടെയാണ് യുവതിയെ ആക്രമിച്ചത്. സ്രാവുകള്‍ ലിന്‍ഡ്സിയുടെ കൈകളിലും കാലുകളിലും പൃഷ്ടഭാഗത്തും കടിച്ചു അവളുടെ വലത് കൈ അറ്റ് പോയിരുന്നു. ഉടൻ തന്നെ ലിന്‍ഡ്സിയെ തീരത്തെത്തിച്ചു ഉടന്‍ ആശുപത്രിയിലെത്തിച്ചപ്പോഴാണ് മരിച്ചുവെന്ന് സ്ഥിതീക്കരിച്ചു. ലോസ് ഏഞ്ചല്‍സിലെ ലയോള മേരിമൗണ്ട് സര്‍വ്വകലാശാലയിലെ വിദ്യാർത്ഥിയാണ് ലിന്‍ഡ്സി. സ്രാവുകൾ കൂട്ടത്തോടെ എത്തി ഉപദ്രവിക്കുന്നത് അപൂർവമായിട്ടു മാത്രമാണെന്നാണ് നിരീക്ഷണം.

മകൾ നഷ്ട്ടപ്പെട്ടതിൻറെ വേദനയിലാണ് പിതാവും ബന്ധുക്കളും.ലിന്‍ഡ്സി നല്ലൊരു മൃഗ സ്നേഹിയും പ്രകൃതി സ്നേഹിയുമായിരുന്നെന്നു ഉറ്റവർ ഓർക്കുന്നു. അതി ദാരുണമായ ഈ മരണത്തിൽ നടുക്കിയിരിക്കുകയാണ് എല്ലാവരും.