കഴിഞ്ഞ ദിവസം പ്രവാചകന്റെ കാര്‍ട്ടൂണുമായി പ്രസിദ്ധീകരിച്ച ഫ്രഞ്ച് മാസികയായ ഷാര്‍ലി എബ്ദോയ്‌ക്കെതിരെ പാകിസ്ഥാനില്‍ പ്രതിഷേധം ശക്തം. ഇസ്ലാം വിരുദ്ധ കാര്‍ട്ടൂണുകള്‍ക്കെതിരെ കറാച്ചിയിലെ ഫ്രഞ്ച് കോണ്‍സുലേറ്റിലേക്ക് നടന്ന വിദ്യാര്‍ത്ഥി മാര്‍ച്ചില്‍ പോലീസും സമരക്കാരും തമ്മില്‍ ഏറ്റുമുട്ടി. ഏറ്റുമുട്ടലില്‍ എ.എഫ്.പി ഫോട്ടോഗ്രഫര്‍ ആസിഫ് ഹസന് വെടിയേല്‍ക്കുകയും നിരവധി പേര്‍ക്ക് പരിക്കേല്‍ക്കുകയും ചെയ്തു. സമരക്കാര്‍ ഫ്രഞ്ച് പതാക കത്തിച്ചു. കഴിഞ്ഞ ദിവസം പാക് പാര്‍ലമെന്റും കാര്‍ട്ടുണഇനെതിരെ രംഗത്തു വന്നു.
വെള്ളിയാഴ്ച ജുമാ പ്രാര്‍ത്ഥനയ്ക്കു ശേഷം ജമാഅത്തെ ഇസ്ലാമി വിദ്യാര്‍ത്ഥി സംഘടനയുടെ നേതൃത്വത്തിലാണ് ഫ്രഞ്ച് കോണ്‍സുലേറ്റിലേക്ക് മാര്‍ച്ച് സംഘടിപ്പിച്ചത്. കോണ്‍സിലേറ്റുനു സമീപം സമരക്കാരെ പൊലീസ് തടഞ്ഞതോടെയാണ് സംഘര്‍ഷത്തിന് തുടങ്ങിയത്.
പൊലീസിനു നേരെ സമരക്കാരില്‍ ചിലര്‍ വെടിയുതിര്‍ത്തു. ശക്തമായ കല്ലേറും ഉണ്ടായി. തുടര്‍ന്ന് പ്രതിഷേധക്കാരെ പിരിച്ചു വിടാന്‍ പൊലീസ് കണ്ണീര്‍വാതകവും ജലപീരങ്കിയും പ്രയോഗിച്ചു. പൊലീസും സമരക്കാരും തമ്മിലുള്ള ഏറ്റമുട്ടലിനിടെയാണ് ആസിഫ് ഹസന് വെടിയേറ്റത്. ജിന്നാ ആശുപത്രിയില്‍ പ്രവേശിപ്പിച്ച ഇയാളുടെ നില ഗുരുതരമാണ്. ഒരു പൊലീസുകാരനും സംഘര്‍ഷത്തില്‍ പരിക്കേറ്റു. ഷാര്‍ലി എബ്ദോയുടെ ഏറ്റവും പുതിയ പതിപ്പിലെ കാര്‍ട്ടുണിനെതിരെ പാകിസ്ഥാനില്‍ പല ഇടങ്ങളിലും വെള്ളിയാഴ്ച പ്രതിഷേധ റാലികള്‍ സംഘടിക്കപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha