ആപ്പിളിൻറെ ഒരു വിലയെ? വിപണിയിലെ ആപ്പിളും സ്റ്റീവ് ജോബ്സിൻറെ ആപ്പിളും അവതാരികയ്ക്കു കൊടുത്ത പണി
പാകിസ്ഥാൻ ചാനലിലെ ടിവി അവതാരികയ്ക്ക് പറ്റിയ അബദ്ധം ആഗോള തലത്തിൽ ചിരിയുണർത്തുകയാണ്. പാകിസ്ഥാന്റെ സാമ്പത്തിക സ്ഥിതിയെ പറ്റിയുള്ള ചാനല് ചര്ച്ചയ്യ്ക്കിടയിലാണ് 'ആപ്പിൾ' പാകിസ്ഥാൻ ചാനൽ അവതാരികയ്ക്ക് മുട്ടൻ പണി നൽകിയത്. ചര്ച്ച പാനലിലെ ഒരു അംഗം പറഞ്ഞു ''ആപ്പിളിന്റെ ബിസിനസ് മാത്രം പാകിസ്ഥാന്റെ ഒരു വര്ഷത്തെ മൊത്തം ബഡ്ജറ്റിനെക്കാള് കൂടുതലാണ്'' എന്ന്. അദ്ദേഹം ഉദ്ദേശിച്ചത് അമേരിക്കന് ഐഫോൺ കമ്പനിയായ ആപ്പിളിനെയാണ്. അത് മനസിലാക്കാത്ത അവതാരികയുടെ മറുപടി ഇപ്രകാരമായിരുന്നു ''ശരിയാണ് ഞാനും കേട്ടിട്ടുണ്ട്, ഇപ്പോള് ഒരു ആപ്പിളിന് തന്നെ വളരെ വില കൂടുതലാണ്''. എന്നാൽ ഉടനെ തന്നെ അദ്ദേഹം അവരുടെ തെറ്റിനെ തിരുത്തുകയുണ്ടായി. ചർച്ച പുരോഗമിക്കുകയും ചെയ്തു.
എന്നാൽ മറ്റൊരു മാധ്യമ പ്രവർത്തകയായ നൈല ഇനായത്ത് ഈ വീഡിയോ പ്രചരിപ്പിച്ചതോടെയാണ് ലോകം ഈ അമളി അറിഞ്ഞു തുടങ്ങിയത്. സോഷ്യൽ മീഡിയയിൽ നിരവധി പേർ കാണുകയുണ്ടായി. 'ദിവസവും ഒരു ആപ്പിൾ കഴിച്ചാൽ ബുദ്ധി ഇല്ലാതാവും' തുടങ്ങിയ അഭിപ്രായങ്ങൾ അമളി വീഡിയോക്ക് വരുന്നുണ്ട്.
https://www.facebook.com/Malayalivartha