ഞായറാഴ്ച ഗ്രീസില്‍ നടന്ന പൊതുതിരഞ്ഞെടുപ്പില്‍ ഭരണപക്ഷമായ ഇടത് പാര്‍ട്ടി സിരിസയ്ക്ക് വന്‍ തിരിച്ചടി. ന്യൂ ഡെമോക്രസി പാര്‍ട്ടി 39.85 ശതമാനം വോട്ട് നേടി അധികാരത്തിലെത്തി.പ്രധാനമന്ത്രി അലക്‌സി സിപ്രസിയുടെ നേതൃത്വത്തില്‍ തിരഞ്ഞെടുപ്പിനെ നേരിട്ട സിരിസയ്ക്ക് 31.53 ശതമാനം വോട്ട് മാത്രമേ നേടാന്‍ കഴിഞ്ഞുള്ളു. ന്യൂ ഡെമോക്രസി പാര്‍ട്ടി നേതാവ് കിരിയാകോസ് മിട്‌സോടകിസ് പുതിയ പ്രധാനമന്ത്രിയാകും.

ഗ്രീസില്‍ ഇടത്പക്ഷം അധികാരത്തിലെത്തിയപ്പോള്‍ സാമ്ബത്തിക വളര്‍ച്ചയില്‍ നേരിയ പുരോഗതിയുണ്ടായെങ്കിലും തൊഴിലില്ലായ്മ വര്‍ധിച്ചത് സരിസയുടെയും സിപ്രസിയുടെയും ജനകീയതയ്ക്ക് മങ്ങലേല്‍പ്പിച്ചിരുന്നു.ജനങ്ങളുടെ തീരുമാനത്തെ അംഗീകരിക്കുന്നെന്ന് വ്യക്തമാക്കിയ സിപ്രസി ഗ്രീസിലെ അധ്വാന വര്‍ഗത്തിന്റെ അവകാശ സംരക്ഷണത്തിനായി ഉത്തരവാദിത്വബോധമുള്ള പ്രതിപക്ഷമായി സരിസ തുടരുമെന്നും കൂട്ടിച്ചേര്‍ത്തു.'ഗ്രീസിലെ വേദനാജനകമായ കാലത്തിന് അറുതിയായി. ഗ്രീസ് വീണ്ടും അഭിമാനത്തോടെ തലയുയര്‍ത്തിയിരിക്കുകയാണ്'. പുതിയ പ്രധാനമന്ത്രി മിട്‌സോടകിസ് പറഞ്ഞു.