പോപ്പ് ഫ്രാന്‍സിസ് ഒന്നാമന്‍, ജോര്‍ജ് ബെര്‍ജോഗ്‌ളിയോ ആയിരുന്ന കാലത്ത് തന്നോട് പ്രണയാഭ്യാര്‍ത്ഥന നടത്തിയത് ഞാന്‍ നിരസിച്ചിട്ടുണ്ടെന്ന് അമാലിയ ദമോന്റേ വെളിപ്പെടുത്തല്‍. 1948 ലായിരുന്നോ 49 തിലായിരുന്നോ ആ സംഭവമെന്ന് ഇപ്പോള്‍ 77 കാരിയായ അമാലിയയ്ക്ക വ്യക്തമായി ഓര്‍മയില്ല. അര്‍ജന്റീനയിലെ ബ്യൂണസ് അയേഴ്‌സിലെ തന്റെ വീടിനു മുന്നില്‍ സംസാരിച്ചു നില്‍ക്കുകയായിരുന്നു അമാലിയ.

അവരുടെ വീടിന് മൂന്നു നാലു വീടിന്നപ്പുറത്തു പുതുതായി താമസിക്കാനെത്തിയ റെയില്‍വേ ജീവനക്കാരന്റെ മകന്‍ അപ്പോഴാണ് ഒരു പ്രണയലേഖനം അവളുടെ കൈയ്യിലേയ്ക്ക് തിരുകിവച്ചിട്ട് നടന്നകന്നത്.12 വയസ്സ് പ്രായമുളളപ്പോഴാണത്. വലുതാകുമ്പോള്‍ നിന്നെ കല്യാണം കഴിക്കണമെന്നാണ് മോഹംമെന്നും, നീ സമ്മതം പറഞ്ഞില്ലെങ്കില്‍ ഞാന്‍ പളളീലച്ഛന്‍ ആകുമെന്നുമാണ് അതില്‍ എഴുതിയിരുന്നത്.

എന്തായാലും ആ പ്രണയാഭ്യര്‍ത്ഥന താന്‍ നിരസിച്ചത് ജോര്‍ജ്ജിന്റെ ഭാഗ്യമെന്ന് അമാലിയ ചിരിയോടെ പറഞ്ഞു. എങ്കിലും പോപ്പിന്റെ സ്ഥാനാരോഹണം ടി.വി.യില്‍ കണ്ടപ്പോള്‍ വിശ്വസിക്കാനാവാതെ സ്തംഭിച്ചിരിക്കുകയായിരുന്നത്രെ അവര്‍.

ദശലക്ഷക്കണക്കിനുളള കത്തോലിക്കാ വിശ്വാസികളുടെ ശ്രേഷ്ഠ ഇടയനായിത്തീര്‍ന്നിരിക്കുന്നത് ആ പഴയ ജോര്‍ജ്ജാണെന്നോര്‍ത്തപ്പോള്‍ അത്ഭുതവും സന്തോഷവം ഒരുപോലെയുണ്ടായി എന്നാണ് അമാലിയ പറയുന്നത്. അദ്ദേഹത്തിന്റെ മനസ്സിലുളള നന്‍മകള്‍ ജീവിതത്തിലും ഐശ്വര്യം വരുത്തട്ടെ എന്നവര്‍ ആശംസിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha