അത് അങ്ങനെയാണ് എവിടെപോയാലും നമ്മുടെ പിള്ളാര് പൊളിച്ചടുക്കിയിട്ടേ തിരിച്ചുവരൂ. റാഫേല്‍ യുദ്ധവിമാനങ്ങള്‍ പറത്താന്‍ ഫ്രാന്‍സില്‍ പരിശീലനത്തിനു പോയ വൈമാനികര്‍ക്കാണ് ഇപ്പോള്‍ പ്രശംസ ലഭിച്ചിരിക്കുന്നത്. പരിശീനത്തിനെത്തി വൈമാനികരെ പ്രശംസിച്ച് ഫ്രഞ്ച് വായുസേനാ മേധാവി ജനറല്‍ ഫിലിപ്പ് ലാവൈനാണ് രംഗത്തെത്തിയിരിക്കുന്നത്. ഭാരത-ഫ്രാന്‍സ് സംയുക്ത വ്യോമ പരിശീലനപരിപാടിയായ ഗരുഢ 6 എന്ന തന്ത്രപ്രധാനമായ സൈനിക അഭ്യാസങ്ങളെ വിലയിരുത്തുകയായിരു അദ്ദേഹം. റാഫേല്‍ വിമാനങ്ങള്‍ ഒതുങ്ങിയതും കനത്തപ്രഹരശേഷിയുള്ളതുമാണന്ന് പറഞ്ഞ ഫിലിപ്പ്, ഭാരത വൈമാനികര്‍ അതീവ ഉത്സാഹികളും കരുത്തന്മാരുമാണെന്ന് പ്രശംസിച്ചു. ആകാശത്തും കരയിലും നടത്തേണ്ട യുദ്ധപരിശീനങ്ങളാണ് നടന്നത്. ഗരുഢ എന്ന പേരില്‍ നടക്കുന്ന വ്യോമപരിശീലന പരിപാടി 6-ാം വര്‍ഷത്തിലും മികച്ച ഫലമാണ് നല്‍കിയത്. 12 ദിവസം നീണ്ട പരിശീലനത്തിന്റെ ഭാഗമായി 400 മണിക്കൂറാണ് യുദ്ധവിമാനം പറത്തിയത്. ഇതില്‍ 100 മണിക്കൂര്‍ ഭാരത വിമാനത്തിലും 300 മണിക്കൂര്‍ ഫ്രഞ്ച് വിമാനവും പറത്തി. വിമാനപരിശീലനത്തില്‍ ഒന്നിനെതിരെ ഒന്ന്, ഒന്നിനെതിരെ രണ്ട്, ആകാശത്തെ ഇന്ധനം നിറയ്ക്കല്‍, 15-20 വിമാനങ്ങള്‍ ചേര്‍ന്നുള്ള അഭ്യാസം എന്നിവയാണ് ഉണ്ടായിരുന്നതെന്നും ഫിലിപ്പ് അറിയിച്ചു.

ഇന്ത്യന്‍ വ്യോമസേനയും ഫ്രഞ്ച് വ്യോമസേനയും സംയുക്തമായി നടത്തുന്ന ഗരുഡ വ്യോമാഭ്യാസത്തിനിടെ സുഖോയ് വിമാനങ്ങളില്‍ നിന്ന് സെല്‍ഫിയെടുത്ത് ഇന്ത്യന്‍, ഫ്രെഞ്ച് പൈലറ്റുമാര്‍. ഫ്രാന്‍സിലാണ് വ്യോമാഭ്യാസം നടക്കുന്നത്. ഫ്രഞ്ച് പൈലറ്റ് ഇന്ത്യയുടെ സുഖോയ് 30 യുദ്ധ വിമാനവും ഇന്ത്യന്‍ പൈലറ്റ് ഫ്രാന്‍സിന്റെ റഫാല്‍ യുദ്ധ വിമാനവും പറത്തുന്ന സെല്‍ഫികള്‍ ഇന്ത്യന്‍ വ്യോമസേനയും ഫ്രെഞ്ച് വ്യോമസേനയും ട്വീറ്റ് ചെയ്തിട്ടുണ്ട്. ജൂലൈ 1 മുതല്‍ 14 വരെ ഫ്രാന്‍സിലെ മോണ്ട്-ഡി-മാര്‍സന്‍ എയര്‍ ബേസില്‍ വെച്ചാണ് വ്യോമാഭ്യാസം നടക്കുന്നത്. ഇന്ത്യന്‍ വ്യോമസേനയിലെ ഫൈറ്റര്‍ പൈലറ്റായ സൗരബ് അംബൂര്‍ ആണ് ഇന്ത്യക്ക് വേണ്ടി റഫാല്‍ യുദ്ധ വിമാനം പറത്തിയത്. യുദ്ധവിമാനങ്ങള്‍ പറത്തുന്നതിലെ അനുഭവങ്ങളും അറിവുകളും പകരുന്നതിന് ഇത്തരത്തിലുള്ള അഭ്യാസ പ്രകടനങ്ങള്‍ സഹായിക്കുമെന്ന് ഇന്ത്യന്‍ വ്യോമസേന വ്യക്തമാക്കി. നേരത്തെ ഗരുഡയുടെ ഭാഗമായി തന്നെ ആകാശത്ത് വെച്ച് സുഖോയ് 30എംകെഐ വിമാനത്തില്‍ ഇന്ധനം നിറച്ചും ഇന്ത്യന്‍ വ്യോമസേന ചരിത്രം കുറിച്ചിരുന്നു.

നാല് സുഖോയ് വിമാനങ്ങളും ഐഎല്‍-78 എഫ്ആര്‍എ ഇന്ധന വിമാനവുമായാണ് വ്യോമസേന ഫ്രാന്‍സിലെത്തിയത്. ഇതിനൊപ്പം വ്യോമസേന പൈലറ്റുമാരുള്‍പ്പെടെ 120 സൈനികരുമുണ്ടായിരുന്നു. റഫാല്‍, ആല്‍ഫാ ജെറ്റ്, മിറാഷ് 2000,സി-135, ഇ3എഫ്, സി130, കാസ തുടങ്ങിയ വിമാനങ്ങളെയാണ് അണി നിരത്തിയത്. ഇരുസേനകളുടെയും പരസ്പര പ്രവര്‍ത്തന ക്ഷമത പരിശോധിക്കുകയും പുതിയ തന്ത്രങ്ങള്‍ പങ്കുവെയ്ക്കുകയുമാണ് വ്യോമാഭ്യാസത്തിന്റെ ലക്ഷ്യം. 2014 ലെ ഗരുഡ അഭ്യാസം ജോധ്പുര്‍ വ്യോമതാവളത്തിലാണ് നടന്നത്.