ചൂട് കൂടി, യാത്രക്കാര് വിമാനത്തിന്റെ എമര്ജന്സി വാതില് തുറന്നു
വേനല് ചുട്ടുപൊള്ളിക്കുന്ന ബ്രസീലില്, ശീതീകരണ സംവിധാനമില്ലാത്ത വിമാനത്തിനുള്ളില് കുടുങ്ങിപ്പോയ യാത്രക്കാര് ചൂട് സഹിക്കാനാകാതെ എമര്ജന്സി വാതില് തുറന്നു. റിയോ ഡി ജനീറോയില് നിന്നും സാവോ പോളോയിലേക്ക് പോയ വിമാനമാണ് ഒരു മണിക്കൂറോളം റണ്വേയില് നിര്ത്തിയിട്ടത്. 130 യാത്രക്കാരാണ് വിമാനത്തില് ഉണ്ടായിരുന്നത്.
ശീതീകരണ സംവിധാനത്തിനുണ്ടായ പാകപ്പിഴയാണ് ചൂടിന് കാരണമായതെന്നാണ് ഗോള് എയര്ലൈന് അധികൃതര് നല്കിയ വിശദീകരണം. യാത്രക്കാരുടെ ബുദ്ധിമുട്ടുകള് ഒഴിവാക്കാന് മറ്റ് സംവിധാനങ്ങള് ഉണ്ടായിരുന്നില്ലെന്നും അവര് അറിയിച്ചു. റിയോ ഡീ ജനീറോയിലെ ഇപ്പോഴത്തെ താപനില 40 ഡിഗ്രീ സെല്ഷ്യസാണ്.
ചൂട് സഹിക്കാനാകാതെ സ്വയം വീശി ചൂടകറ്റാന് ശ്രമിച്ച യാത്രക്കാര് ഒടുവില് ഗത്യന്തരമില്ലാതെ അടിയന്തര വാതില് തുറക്കുകയായിരുന്നു. യാത്രക്കാര് പകര്ത്തിയ വീഡിയോ ഗ്ലോബോ ടിവി നെറ്റ്വര്ക്ക് സംപ്രേഷണം ചെയ്തു. യാത്രക്കാരെ സാവോ പോളോയില് എത്തും മുമ്പ് മറ്റൊരു വിമാനത്തിലേക്ക് മാറ്റി.
ബ്രസീലിയയിലെ വിമാന സര്വീസായ ഗോളിന്റെ 2047 എന്ന വിമാനത്തില് ഞായറാഴ്ചയാണ് സംഭവം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
