കത്തോലിക്കക്കാര് മുയലുകളെപ്പോലെ വംശവര്ധന നടത്തേണ്ടതില്ലെന്ന് മാര്പാപ്പ
നല്ല കത്തോലിക്കര് മുയലുകളെപ്പോലെ വംശവര്ധന നടത്തേണ്ടതില്ലെന്ന് ഫ്രാന്സിസ് മാര്പാപ്പ. സഭയ്ക്ക് ഏറ്റവും കൂടുതല് വിശ്വാസികളുള്ള ഫിലിപ്പീന്സില് സന്ദര്ശനം നടത്തി മടങ്ങവെയാണ് മാര്പ്പാപ്പ് ഇക്കാര്യം പറഞ്ഞത്.
കുടുംബാസൂത്രണത്തിന് അനുകൂലമായ നിയമം പാസാക്കിയ രാജ്യമാണ് ഫിലിപ്പീന്സ്..സന്ദര്ശനത്തിനിടെ ഏഴ് പെറ്റ ഒരമ്മയെ കണ്ടുമുട്ടാനിടയായ കാര്യം ചൂണ്ടിക്കാട്ടിയായിരുന്നു സംസാരത്തിലേക്ക് കടന്നത്. ആ അമ്മയുടെ \'ഉത്തരവാദിത്വമില്ലായ്മ\'യെ വിമര്ശിച്ച അദ്ദേഹം പറഞ്ഞത്, ആധുനിക കുടുംബാസൂത്രണമാര്ഗങ്ങളെ കത്തോലിക്കാസഭ എതിര്ക്കുന്നു എന്നതിനര്ത്ഥം വലിയ കുടുംബം വേണമെന്നല്ല എന്നാണ്. സഭ അനുവദിക്കുന്ന തരത്തിലുള്ള നിരവധി ജനനനിയന്ത്രണ ഉപാധികളുണ്ട്. അതിനായി സഭയ്ക്കുപുറത്തുള്ളവര് അടിച്ചേല്പിക്കുന്ന തരത്തിലുള്ള നിയന്ത്രണത്തിന്റെ ആവശ്യമില്ല. മൂന്നാംലോകരാജ്യങ്ങളില് ചില പാശ്ചാത്യ ഏജന്സികളുടെ നേതൃത്വത്തില് സ്വവര്ഗപ്രേമവും ഗര്ഭനിരോധനവും വികസനത്തിന്റെ ഉപാധികളാക്കി ചിത്രീകരിക്കുന്നുണ്ട്. ആശയപരമായ ഈ കോളനിവല്ക്കരണം അനുവദനീയമല്ലെന്നും മാര്പാപ്പ പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
