പാരീസിലെ ഷാര്‍ലി എബ്‌ദോ മാഗസിനില്‍ ഭീകരാക്രമണം നടത്തിയ രണ്ടു സഹോദരങ്ങള്‍ ഒളിവിടമാക്കിയ സ്ഥലത്തേക്ക് ഇരച്ചു കയറാന്‍ പോലീസ് ശ്രമിക്കുകയാണെങ്കില്‍, തങ്ങള്‍ ബന്ദികളാക്കിയിരിക്കുന്നവരെ മുഴുവന്‍ കൊല്ലുമെന്ന ഭീഷണിയുമായി പാരീസിലെ കോസ്‌ഹെര്‍ സൂപ്പര്‍ മാര്‍ക്കറ്റിലെത്തിയവരെ തടവിലാക്കിയിരുന്ന സംഭവം മറക്കാനുള്ള സമയമായിട്ടില്ല. ഇക്കഴിഞ്ഞ ജനുവരി 9 നായിരുന്നു അത്. അതിനു രണ്ടു ദിവസം മുമ്പായിരുന്നു ഷാര്‍ലി എബ്‌ദോയിലെ ഭീകരാക്രമണം.

അന്ന് കോസ്‌ഹെര്‍ സൂപ്പര്‍ മാര്‍ക്കറ്റിന്റെ താഴത്തെ നിലയില്‍ സ്റ്റോക്ക് റൂമില്‍ ജോലിയിലായിരുന്നു ബാതിലി എന്ന ഇരുപത്തിനാലുകാരന്‍. അപ്പോഴാണ് തോക്കുമായി അമേദി കൗലിബലി എന്ന തീവ്രവാദി മുകളിലത്തെ നിലയിലെത്തി സാധനങ്ങള്‍ വാങ്ങാനെത്തിയിരുന്ന 4 പേരെ വെടിവച്ചു വീഴ്ത്തിയത്.

ഇസ്ലാമിക തീവ്രവാദികളായ അവര്‍ മാര്‍ക്കറ്റിലുള്ളവരെ ബന്ദിയാക്കുകയാണന്ന് മനസിലാക്കിയ ബാതിലി താനൊരു മുസ്ലീമായതിനാല്‍ അവര്‍ക്കനുകൂല നിലപാട് എടുക്കണമെന്നല്ല ചിന്തിച്ചത്. പകരം പെട്ടെന്ന് അയാള്‍ സ്റ്റോക് റൂമിന്റെ ഫ്രീസര്‍ ഓഫ് ചെയ്തിട്ട് കുറെയധികം ആള്‍ക്കാരെ അതിനുള്ളില്‍ കയറ്റിയിരുത്തി.

തുടര്‍ന്ന് ,തീപിടുത്തമുണ്ടാകുമ്പോള്‍ രക്ഷപ്പെടാനുള്ള അടിയന്തിര മാര്‍ഗ്ഗത്തിലൂടെ പുറത്തു കടന്ന് 15 ബന്ദികളെ മോചിപ്പിക്കാനും ഭീകരനെ കൊലപ്പെടുത്താനും പോലീസുകാരുമായി സഹകരിച്ചു പ്രവര്‍ത്തിച്ചു.

മാലിയില്‍ നിന്നും 2006ലാണ് ബാതിലി ഫ്രാന്‍സിലേയ്ക്ക് ഇമിഗ്രേറ്റ് ചെയ്തത്. ബാതിലിയുടെ മനുഷ്യത്വ പരിഗണനകളേയും ധൈര്യത്തേയും മാനിച്ചു കൊണ്ട് ഫ്രഞ്ച് അധികൃതര്‍ ഇക്കഴിഞ്ഞ ചൊവ്വാഴ്ച ബാതിലിന് ഫ്രഞ്ച്പൗരത്വം നല്‍കി ആദരിച്ചു.

 
പ്രധാനമന്ത്രി മാന്വല്‍വാല്‍സിന്റെ സാന്നിധ്യത്തില്‍ നടന്ന ചടങ്ങില്‍ വച്ച്, സമാധാനത്തിന്റേയും, സഹിഷ്ണുതയുടെയും പ്രതീകമാണ് ഇസ്ലാംമതമെന്നു തെളിയിക്കാന്‍ ബാതിലിന്റെ പ്രവൃത്തി ഉപകരിച്ചുവെന്ന് ഫ്രഞ്ച് ഇന്റീരിയര്‍ മന്ത്രി ബെര്‍ണാഡ് കാസെന്യൂവെ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha