അര്‍കന്‍സാസ് ജയിലില്‍ കഴിയുന്ന മുസ്ലീം തടവുകാരന് തന്റെ മതവിശ്വാസ പ്രകാരം താടി വളര്‍ത്താമെന്ന് യു.എസ് സുപ്രീം കോടതി. ജയിലില്‍ കഴിയുന്ന മുസ്ലീം മതവിശ്വാസികള്‍ക്ക് താടി വളര്‍ത്താനുള്ള അവകാശമുണ്ടെന്ന് കോടതി വ്യക്തമാക്കി.
നിയമവിരുദ്ധമായ സാധനങ്ങള്‍ കടത്തുന്നത് തടയാനായാണ് താടി വളര്‍ത്താന്‍ പാടില്ലെന്ന നിയമം ജയിലില്‍ നിലനിര്‍ത്തിയിരിക്കുന്നതെന്നായിരുന്നു ജയില്‍ അധികൃതരുടെ ഭാഷ്യം. എന്നാല്‍ ഈ വാദത്തെ കോടതി വിശ്വാസയോഗ്യമല്ലെന്ന് പറഞ്ഞു. അരയിഞ്ച് താടിയില്‍ ഒളിപ്പിക്കാവുന്നതിലും കൂടുതല്‍ വൃത്തിയായി നിയമവിരുദ്ധമായ സാധനങ്ങള്‍ തലയിലോ വസ്ത്രത്തിലോ ഷൂവിലോ വച്ച് തടവുകാര്‍ക്ക് കടത്താനാകുമെന്നും,? അതിനായി തടവുകാരെ മൊട്ടയടിച്ച് നഗ്‌നരാക്കി ചെരുപ്പില്ലാതെ നടത്തേണ്ട ആവശ്യമില്ലെന്നും കോടതി  പറഞ്ഞു.
ജയിലിലെ നിയമമനുസരിച്ച് തന്റെ താടി നിര്‍ബന്ധിച്ച് ഷേവ് ചെയ്ത് കളഞ്ഞെന്ന് ചൂണ്ടിക്കാട്ടി ജീവപര്യന്തം തടവുകാരനായ ഗ്രിഗറി ഹോള്‍ട്ട് എന്നരിയപ്പെടുന്ന അബ്ദുള്‍ മാലിക് മുഹമ്മദ് നല്‍കിയ കേസിലാണ് കോടതി വിധി. മതവിശ്വാസത്തിന്റെ ഭാഗമായി അരയിഞ്ച് നീളത്തില്‍ തന്റെ താടി നിലനിര്‍ത്താന്‍ സമ്മതിക്കമമെന്നാണ് ഹോള്‍ട്ട് ആവശ്യപ്പെട്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha