ആരാധന പോകുന്ന വഴി... ഇന്ത്യന് പ്രധാനമന്ത്രി നരേന്ദ്ര മോദിയെ വച്ച് ഇസ്രേയല് തെരഞ്ഞെടുപ്പില് വന് പ്രചാരണം; ഇസ്രേയലി പ്രധാനമന്ത്രി ബഞ്ചമിന് നെതന്യാഹുവും നരേന്ദ്ര മോദിയും ചേര്ന്നുള്ള ഫ്ളക്സ് സോഷ്യല് മീഡിയയില് തരംഗമാകുന്നു
ഇന്ത്യന് പ്രധാനമന്ത്രി നരേന്ദ്രമോദിയുടെ ആഗോള തലത്തിലെ സ്ഥാനം വെളിവാകുന്ന പോസ്റ്റര് പുറത്തേക്ക്. ഇസ്രേയലി പ്രധാനമന്ത്രി ബഞ്ചമിന് നെതന്യാഹുവും ഇന്ത്യന് പ്രധാനമന്ത്രി നരേന്ദ്ര മോദിയും ചേര്ന്നുള്ള തിരഞ്ഞെടുപ്പ് ബാനറാണ് ലോക ശ്രദ്ധ നേടുന്നത്. ഇസ്രേയലില് തിരഞ്ഞെടുപ്പിന്റെ ഭാഗമായി സ്ഥാപിച്ചതെന്ന് പറയുന്ന പോസ്റ്ററിന്റെ ചിത്രം ഇസ്രയേലി മാധ്യമപ്രവര്ത്തകന് അമിചായി സ്റ്റെയിന് ആണ് ട്വിറ്ററിലൂടെ പുറത്ത് വിട്ടിരിക്കുന്നത്. ലോകത്ത് മോദിയ്ക്ക് കല്പിക്കുന്ന സ്ഥാനമാണ് പോസ്റ്ററിലൂടെ വെളിവാകുന്നതെന്നാണ് രാഷ്ട്രീയ നിരീക്ഷകരുടെ വിലയിരുത്തല്.
അമേരിക്കന് പ്രസിഡന്റ് ഡൊണാള്ഡ് ട്രംപ്, റഷ്യന് പ്രസിഡന്റ് പുട്ടിന് എന്നിവരുടെ ചിത്രങ്ങളുപയോഗിച്ചും സമാനമായ രീതിയിലുള്ള പോസ്റ്ററുകളുണ്ട്. സെപ്തംബര് 17നാണ് ഇസ്രേയലില് തിരഞ്ഞെടുപ്പ് നടക്കുന്നത്. ഇതിന്റെ ഭാഗമായി നെതന്യാഹു ഇസ്രേയലിന്റെ അന്താരാഷ്ട്ര ബന്ധങ്ങള് ശക്തിപ്പെടുത്താന് നടത്തിയ ശ്രമങ്ങള് ജനങ്ങളെ അറിയിക്കുക എന്ന ലക്ഷ്യത്തോടെയാണ് പോസ്റ്ററുകള് സ്ഥാപിച്ചത്.
ഇസ്രയേലില് ഏറ്റവും കൂടുതല് കാലം പ്രധാനമന്ത്രിസ്ഥാനത്തിരുന്ന വ്യക്തി എന്ന റെക്കോര്ഡ് സ്വന്തമാക്കിയ നെതന്യാഹു, ഇത്തവണത്തെ തിരഞ്ഞെടുപ്പില് കടുത്ത മത്സരമാണ് നേരിടുന്നതെന്നാണ് റിപ്പോര്ട്ടുകള്.
2019 ലോക്സഭാ തിരഞ്ഞെടുപ്പില് മികച്ച വിജയം നേടി അധികാരത്തില് തിരിച്ചെത്തിയ നരേന്ദ്ര മോദിയെ ആദ്യം അഭിനന്ദനങ്ങള് അറിയിച്ച ലോകനേതാക്കളില് ഒരാളാണ് നെതന്യാഹു.
ഇസ്രേയലുമായി ഏറെ അടുപ്പമുള്ളയാണ് മോദി. അതേസമയം തന്നെ പാകിസ്ഥാന് മുന്നറിയിപ്പുമായി നരേന്ദ്ര മോദി കഴിഞ്ഞ ദിവസം രംഗത്തെത്തിയിരുന്നു. കാര്ഗില് യുദ്ധവിജയത്തിന്റെ ഇരുപതാം വാര്ഷികത്തോടനുബന്ധിച്ച് ഡല്ഹിയില് നടന്ന ചടങ്ങിലാണ് മോദി പാകിസ്ഥാനെ രൂക്ഷമായി വിമര്ശിച്ചത്. അതിര്ത്തി മാറ്റി വരക്കാനുള്ള പാകിസ്ഥാന്റെ ശ്രമം അനുവദിക്കില്ലെന്ന് പ്രധാനമന്ത്രി പറഞ്ഞു.
കാര്ഗില് യുദ്ധത്തില് ജീവന് ബലിയര്പ്പിച്ച ജവാന്മാര്ക്ക് അഭിവാദ്യം അര്പ്പിച്ച പ്രധാനമന്ത്രി പാക്കിസ്ഥാനെ രൂക്ഷമായാണ് വിമര്ശിച്ചത്. പാകിസ്ഥാന് എല്ലാക്കാലത്തും ഇന്ത്യയെ ലക്ഷ്യം വയ്ക്കുന്നുണ്ടെന്നു പറഞ്ഞ പ്രധാനമന്ത്രി ദേശ സുരക്ഷയില് യാതൊരു വിട്ടുവീഴ്ചക്കും തയ്യാറല്ലെന്നും വ്യക്തമാക്കി
കശ്മീരിന്റെ പേരില് കാലങ്ങളായി പാകിസ്ഥാന് ഇന്ത്യയെ കബളിപ്പിക്കുകയാണ്. ഇന്ത്യ ഒരു കാലത്തും പ്രകോപനത്തിന്റെ പാത സ്വീകരിച്ചിട്ടില്ല. വാജ്പേയിയുടെ സമാധാന ആഹ്വാനം പോലും പാകിസ്ഥാന് നിരസിച്ചു. ചില രാജ്യങ്ങള് ഭീകരവാദത്തെ പ്രോത്സാഹിപ്പിക്കുകയാണെന്നും മോദി പറഞ്ഞു.
അതേസമയം തന്നെ മോദി സര്ക്കാര് 50 ദിവസം പിന്നിട്ടു കഴിഞ്ഞു. ഭരണ മികവിന്റെ കാര്യത്തില് അന്പത് ദിവസത്തെ മോദി ഭരണം സമാനതകള് ഇല്ലാത്ത നേട്ടങ്ങള് രാജ്യത്തിന് സമ്മാനിച്ചതായി ബിജെപി വ്യക്തമാക്കിയിരുന്നു. രാഷ്ട്രവും ജനങ്ങളുംആത്മവിശ്വാസത്തോടെ വികസനവും നീതിയും അനുഭവിക്കുന്ന രാജ്യമായി മോദി ഭരണത്തില് ഇന്ത്യ മാറിക്കഴിഞ്ഞതായി ബിജെപി വര്ക്കിംഗ് പ്രസിഡന്റ് ജെപി നദ്ധ അവകാശപ്പെട്ടു.
ചരിത്രത്തില് ആദ്യമായി ഭരണത്തിലേറി അന്പതാം ദിവസം റിപ്പോര്ട്ട് കാര്ഡ് പ്രസിദ്ധികരിക്കാന് സാധിച്ചത് തന്നെ മോദി സര്ക്കാരിന്റെ നേട്ടമാണെന്ന് ബിജെപി കേന്ദ്ര നേത്യത്വം അവകാശപ്പെട്ടു. വികസനം മറ്റെല്ലാ വിഷയത്തിനും ഉപരിയായ അജണ്ടയാമെന്നും സാമാന്യ നീതി എല്ലാവര്ക്കും അവകാശപ്പെട്ട ജീവിത വ്യവസ്ഥയായി രാജ്യത്ത് അംഗികരിക്കപ്പെട്ട് കഴിഞ്ഞു.
2022 ല് 1.95 കോടി വീടുകള് ഭവന രഹിതര്ക്ക് പണിയാന് കൈക്കൊണ്ട തീരുമാനമാണ് 50 ദിവസത്തെ എറ്റവും സുപ്രധാനം എന്നാണ് റിപ്പോര്ട്ട് കാര്ഡിന്റെ അവകാശവാദം. എല്ലാ വര്ക്കും ശുദ്ധജലവും അടിസ്ഥാന സൗകര്യങ്ങളും ലഭ്യമാക്കാന് കൈകൊണ്ട തീരുമാനം ലോകത്തിന് തന്നെ മാത്യകയായി. വികസന മുരടിപ്പ് സൃഷ്ടിച്ചവര് രാജ്യത്ത് ഉണ്ടാക്കിയ പ്രതികുല അന്തരീക്ഷമാണ് ഇതോടെ മാറുന്നതെന്നും അദ്ദേഹം വ്യക്തമാക്കിയിരുന്നു.
"
https://www.facebook.com/Malayalivartha