11-ാം വയസില് അഞ്ചു പേരെ കൊലപ്പെടുത്തിയ ഡ്രു ഗ്രാന്റിന് 33-ാം വയസില് ദാരുണാന്ത്യം
യുഎസിലെ അര്ക്കന്സാസില് സഹപാഠികളെയും ടീച്ചറെയും വെടിവച്ച് കൊന്ന കേസിലെ പ്രതിയായിരുന്ന ഡ്രു ഗ്രാന്റ് ദാരുണമായി കൊല്ലപ്പെട്ടെന്ന് പൊലീസ്.
വെറും 11 വയസുള്ളപ്പോഴാണ് ലോകത്തെ നടുക്കിയ ആ ക്രൂരകൃത്യം ഗ്രാന്റ് ചെയ്തത്. കൂടെ പഠിക്കുന്ന നാല് കൂട്ടുകാരെയും ക്ലാസ് ടീച്ചറെയുമാണ് സഹപാഠിയുമായി ചേര്ന്ന് ഗ്രാന്റ് അന്ന് കൊന്നത്.
റോഡപകടത്തിലാണ് ഡ്രു ഗ്രാന്റ് മരണപ്പെട്ടത്. ഭാര്യയ്ക്കും മകനുമൊപ്പം യാത്ര ചെയ്യുന്നതിനിടെ മറ്റൊരു കാറുമായി കൂട്ടിയിടിക്കുകയായിരുന്നു. അപകടത്തില് ഗുരുതരമായി പരിക്കേറ്റ ഭാര്യയെയും കുട്ടിയെയും ആശുപത്രിയില് പ്രവേശിപ്പിച്ചിരിക്കുകയാണ്.
ഗ്രാന്റും കൂട്ടുകാരനും സ്കൂളിലെ ഫയര് അലാം ആക്ടിവേറ്റ് ചെയ്ത്് തീപിടിത്തമുണ്ടായി എന്നു വരുത്തിത്തീര്ത്തപ്പോള്, ടീച്ചര്മാര് കുട്ടികളെ രക്ഷപെടുത്തുന്നതിനിടയില് മനപൂര്വം നിറയൊഴിക്കുകയായിരുന്നു. 1998-ലെ കേസില് കുറ്റക്കാരനെന്ന് കോടതി വിധിച്ച ഗ്രാന്റ് 2007-ലാണ് ശിക്ഷ കഴിഞ്ഞ് പുറത്തിറങ്ങിയത്.
https://www.facebook.com/Malayalivartha