ബംഗ്ലാദേശ് സര്‍ക്കാര്‍ വിരുദ്ധ കലാപത്തില്‍ ഉയരുന്നു. പ്രധാനമന്ത്രി ഷെയ്ഖ് ഹസീനയും പ്രതിപക്ഷനേതാവ് ഖാലിദ സിയയും തമ്മിലുള്ള പ്രശ്‌നങ്ങളാണ് കലാപങ്ങളെ പുതിയ തലങ്ങളിലേക്ക് നയക്കുന്നത്. മുന്‍ പ്രധാനമന്ത്രികൂടിയായ ഖാലിദയെ അക്രമസംഭവങ്ങളുടെ പേരില്‍ വിചാരണ നടത്തുമെന്നു ഷെയ്ഖ് ഹസീന പറഞ്ഞതാണ് പ്രതിപക്ഷം സമരം ശക്തമാക്കിയത്. ബസ് ആക്രമിച്ച കേസില്‍ ഗൂഢാലോചന നടത്തിയതിനു ഖാലിദ സിയയ്‌ക്കെതിരെ പൊലീസ് കേസെടുത്തു.
സര്‍ക്കാര്‍വിരുദ്ധ പ്രക്ഷോഭത്തിനിടെ ധാക്കയില്‍ പെട്രോള്‍ ബോംബുകളുമായി ബസ് ആക്രമിച്ച സംഭവത്തിലാണു കേസ്. ആക്രമണത്തില്‍ 29 പേര്‍ക്കു പരുക്കേറ്റിരുന്നു. രാജ്യത്തു നടന്നുവരുന്ന സര്‍ക്കാര്‍വിരുദ്ധ പ്രക്ഷോഭങ്ങളില്‍ ഇതേവരെ 34 പേര്‍ കൊല്ലപ്പെട്ടിട്ടുണ്ട്. 2014 ജനുവരി അഞ്ചിനു നടന്ന തിരഞ്ഞെടുപ്പ് അട്ടിമറിയായിരുന്നു എന്ന് ആരോപിച്ച് ഇത്തവണ ജനുവരി ആറിനു പ്രതിഷേധ റാലി നടത്താന്‍ ഖാലിദ ആഹ്വാനം ചെയ്തിരുന്നു. ഇതു തടയാന്‍ ഖാലിദയെ വീട്ടുതടങ്കലിലാക്കി. പതിനേഴു ദിവസം നീണ്ട തടങ്കലിനുശേഷം ഈ മാസം 19നു മോചിതയായെങ്കിലും ദേശവ്യാപകമായി സമരം തുടരാനാണ് ഖാലിദ അനുയായികളോട് ആവശ്യപ്പെട്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha