സണ്ണി ലിയോൺ, സച്ചിൻ, ധോണി; ഇവർ ഓൺലൈൻ അപകടകാരികൾ; പ്രമുഖവ്യക്തികളെ ഓൺലൈനിൽ തിരയുമ്പോൾ ജാഗ്രതപാലിക്കണമെന്ന് മുന്നറിയിപ്പ്
പ്രമുഖവ്യക്തികളെ ഓൺലൈനിൽ തിരയുമ്പോൾ ജാഗ്രതപാലിക്കണമെന്ന് മുന്നറിയിപ്പ്. മുന്‍ ഇന്ത്യന്‍ ക്രിക്കറ്റ് ടീം നായകന്‍ മഹേന്ദ്ര സിങ് ധോണി, ഇന്ത്യന്‍ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍, ബോളിവുഡ് താരം സണ്ണി ലിയോണ്‍ എന്നിവരെ തിരയുമ്പോൾ കരുതിയിരിക്കണം എന്നാണ് മുന്നറിയിപ്പ്. പ്രമുഖ സുരക്ഷാ സോഫ്‍റ്റ്‍വെയര്‍ നിര്‍മാതാക്കളായ മക്കഫിയാണ് മുന്നറിയിപ്പുമായി രംഗത്തെത്തിയത്. ഓണ്‍ലൈന്‍ തട്ടിപ്പിനായി പ്രമുഖരുടെ പേരുകള്‍ വ്യാപകമായി ഉപയോഗിക്കുന്നതായി കണ്ടെത്തിയതിനെ തുടര്‍ന്നാണ് മക്കഫി മുന്നറിയിപ്പുമായി രംഗത്ത് വന്നത് .
പട്ടികയിലുള്ള മറ്റു താരങ്ങളുടെ പേരുകളില്‍ ക്ലിക്ക് ചെയ്യുന്നത് സൂക്ഷിച്ച്‌ വേണമെന്ന് മക്കഫി ഇന്ത്യയുടെ മാനേജി൦ഗ് ഡയറക്ടര്‍ വെങ്കട് കൃഷ്‍ണപുര്‍ മുന്നറിയിപ്പ് നൽകി. ഇത്തരം ലിങ്കുകളില്‍ ക്ലിക്ക് ചെയ്‍താല്‍ നിങ്ങളുടെ രഹസ്യ വിവരങ്ങളടക്കം ചോര്‍ത്തപ്പെടുമെന്ന് വെങ്കട് കൃഷ്‍ണപൂര്‍ മുന്നറിയിപ്പ് നല്‍കുന്നു.
ഓണ്‍ലൈനിലെ അപകടകാരികളായ താരങ്ങളുടെ പട്ടികയില്‍ എംഎസ് ധോണിയാണ് ഒന്നാമത്. ധോണിക്ക് പിന്നാലെ ക്രിക്കറ്റ് താരം സച്ചിന്‍ ടെണ്ടുല്‍ക്കർ റിയാലിറ്റി ഷോ വിജയിയായ ടെലിവിഷന്‍ താരം ഗൗതം ഗുലാത്തി ബോളിവുഡ് താരം സണ്ണി ലിയോൺ എന്നിവരും പട്ടികയിലുണ്ട്. ബാഡ്‍മിന്‍റണ്‍ താരം പിവി സിന്ധു, ബോളിവുഡ് താരങ്ങളായ രാധികാ ആപ്‍തെ, ശ്രദ്ധ കപൂര്‍ തുടങ്ങിയവരും പട്ടികയിലുണ്ട്.
https://www.facebook.com/Malayalivartha
